ਕੁੱਲੀ ਯਾਰ ਦੀ ਏ ਦੂਰ, ਜਿੰਦ ਰਹਿ ਗਈ ਕੁਝ ਪਲ
ਕਿਤੇ ਮੁੱਕ ਹੀ ਨਾ ਜਾਵੀ, ਸਾਹਾ ਹੌਲੀ ਹੌਲੀ ਚੱਲ
ਅੱਜ ਆਸ਼ਿਕਾਂ ਦੀ ਈਦ, ਕਰਾਂ ਯਾਰ ਦੀ ਮੈਂ ਦੀਦ [2]
ਪਾਣੀ ਤਿੜਕੇ ਘੜੇ ਦਾ, ਨਹੀਉ ਲੱਭਣਾ ਮੈਂ ਕੱਲ
ਕੁੱਲੀ ਯਾਰ ਦੀ ਏ ਦੂਰ, ਜਿੰਦ ਰਹਿ ਗਈ ਕੁਝ ਪਲ
ਸੋਹਣਾ ਗੱਲ ਮੈਨੂੰ ਲਾਵੇ, ਡਾਢਾ ਗਮ ਮੁੱਕ ਜਾਵੇ [2]
ਅੱਗ ਹਿਜਰਾਂ ਦੀ ਬੁਰੀ,ਰੂਹ ਤੱਕ ਗਈ ਏ ਜਲ
ਕੁੱਲੀ ਯਾਰ ਦੀ ਏ ਦੂਰ, ਜਿੰਦ ਰਹਿ ਗਈ ਕੁਝ ਪਲ
ਯਾਰ ਸੁਣੇ ਮੇਰੇ ਬੋਲ,ਦੇਵਾਂ ਦੁੱਖ ਸਾਰੇ ਫੋਲ [2]
ਕਿਤੇ ਰਹਿ ਹੀ ਨਾ ਜਾਵੇ, ਮੇਰੇ ਦਿਲ ਵਾਲੀ ਗੱਲ
ਕੁੱਲੀ ਯਾਰ ਦੀ ਏ ਦੂਰ, ਜਿੰਦ ਰਹਿ ਗਈ ਕੁਝ ਪਲ
ਕੇਹਾ ਲੇਖਾਂ ਦਾ ਕਸੂਰ,,,, ਹੋਈ ਐਨੀ ਮਜਬੂਰ [2]
ਮੇਰੀ ਲੋੜੇ ਦੀ ਜਵਾਨੀ, ਗਈ ਸੋਚਾ ਵਿੱਚ ਢਲ
ਕੁੱਲੀ ਯਾਰ ਦੀ ਏ ਦੂਰ, ਜਿੰਦ ਰਹਿ ਗਈ ਕੁਝ ਪਲ
ਉਹਦੇ ਪਿਆਰ ਵਾਲੀ ਛੋਹ, ਬਣੇ ਜਿੰਦਗੀ ਦੀ ਲੋਅ [2]
ਫਸੀ ਜਿੰਦ ਅਣ ਭੋਲ,,,,, ਔਖੇ ਇਸ਼ਕੇ ਦੇ ਵੱਲ
ਕੁੱਲੀ ਯਾਰ ਦੀ ਏ ਦੂਰ, ਜਿੰਦ ਰਹਿ ਗਈ ਕੁਝ ਪਲ
ਗਈ ਦੁੱਖਾਂ ਤੋਂ ਮੈਂ ਹਾਰੀ, ਆਸ ਮੁੱਕ ਚੱਲੀ ਸਾਰੀ [2]
ਵਾਹ ਚਲਦੀ ਨਾ ਕੋਈ. ਖੁਦਾ ਕਰੀ ਮੇਰੀ ਹੱਲ
ਕੁੱਲੀ ਯਾਰ ਦੀ ਏ ਦੂਰ, ਜਿੰਦ ਰਹਿ ਗਈ ਕੁਝ ਪਲ
ਕੁੱਲੀ ਯਾਰ ਦੀ ਏ ਦੂਰ, ਜਿੰਦ ਰਹਿ ਗਈ ਕੁਝ ਪਲ
ਕਿਤੇ ਮੁੱਕ ਹੀ ਨਾ ਜਾਵੀ, ਸਾਹਾ ਹੌਲੀ ਹੌਲੀ ਚੱਲ
~~~~~Narinder Singh
|
