ਦਿਲ ਤੇ ਰੋਜ਼ ਆਉਣ ਆਫਤਾਂ ਭੈੜੇ ਦਰਦਾਂ ਦੇ ਨਾਲ,
ਇੱਕ ਜ਼ਖਮ ਤਾਜਾ ਹੋ ਜਾਦਾਂ, ਪੁਰਾਣੇ ਜ਼ਖਮਾਂ ਦੇ ਨਾਲ..!
ਮੈਂ ਅਕਲ ਵੀ ਗਵਾ ਬੈਠਾ, ਹੋਸ਼ ਵੀ ਗਵਾ ਬੈਠਾ....
ਔਖੀ ਲੰਘੇ ਰਾਤ ਕਾਲੀ,ਨਿੱਤ ਚੜੇ ਸੂਰਜ ਦੁਖਾਂ ਦੇ ਨਾਲ..!!
ਮੈਂ ਅੱਖੀਂਓ ਗਿੱਦ ਪੁੰਝਾਂ ਨਾ ਮਾਰਾ ਛਿਟੇਂ ਬਾਦਾ ਦੇ ਨਾਲ..(sharab)
ਮੇਰਾ ਅੰਗ ਅੰਗ ਹੋਇਆ ਬੇਜ਼ਾਰ ਰੋਜ਼ ਦੇ ਵਾਰਾ ਨਾਲ..!
ਸਾਹ ਘੁਟ - ਘੁਟ ਹੋਵੇ, ਮਨ ਫੁਟ - ਫੁਟ ਰੋਵੇ..
ਪੰਛੀ ਆਸਾ ਦੇ ਉੱਡ ਗਏ,ਚੰਦਰੇ ਨਸੀਬਾਂ ਨਾਲ...!!
ਨਿੱਤ ਸਮੇਂਟ ਸਮੇਂਟ ਕੇ ਹਾਦਿਸੇ ਦੀ ਸ਼ਾਖ ਤੋ,
ਦਾਮਨ ਭਰਿਆ ਮੇਰਾ ਕੰਡੇਆਂ ਦੇ ਨਾਲ...!
ਮੇਰਾ ਅਸਤਿਤਵ ਹੁਣ ਜਿਉਣ ਤੋ ਡਰਦਾ ਏ,
ਦਿਲ ਨੇ ਚੁੱਪ ਨੂੰ ਧਰਿਆ ਏ ਲਬਾਂ ਦੇ ਨਾਲ...!!
ਬਿਰਹਾ ਦੀ ਤਿੱਖੀ ਚੋਭ ਨੂੰ ਮੈਂ ਜ਼ਰਿਆ ਏ ਇੱਸ ਤਰਾਂ
ਮੇਰੇ ਹਾਸਾ ਬੇਰੰਗ ਹੋਇਆ,ਚਾਵਾਂ ਮੋੜਿਆਂ ਮੂੰਹ ਮੇਰੇ ਨਾਲ...!
ਹਰ ਲਹਿਰ ਤੇਰੇ ਮੇਲ ਦਾ ਲਾਰਾ ਹੀ ਬਣੀ ਰਹੀ,
ਮੈਂ ਤਰਿਆ ਸਾਗਰ ਸਲੂਣਾ ਉਮਰਾਂ ਦੇ ਨਾਲ...!!
ਵਿੱਧਵਾ ਜਿਵੇ ਹੈ ਰਾਤ ਭਰ ਸੁਪਨੇ ਅਟੇਰਦੀ..
ਇੰਝ ਚੜਾ ਸੂਲੀ ਜੁਦਾਈ ਦੀ ਹਰ ਸਾਹ ਦੇ ਨਾਲ..!
ਪੱਤਾ ਪੱਤਾ ਬਿਖਰ ਕੇ, ਬਿਨਸੇ ਜਿਵੇ ਖਿ਼ਜ਼ਾਂ...
ਇੰਝ ਮਰਿਆ ਸਾਥਿਆ ਅਹਿਸਾਸ ਮੇਰਾ ਸਮੇਂ ਦੇ ਨਾਲ..!!
"ਹਨੀ" ਕਿੰਝ ਕਰਾ ਬਿਆਨ ਹਾਲ ਦਿਲ ਦਾ,ਲਫ਼ਜ਼ਾਂ ਦੇ ਨਾਲ
ਕੱਚੀ ਡੋਰੀ ਵਰਗੀ ਜਿੰਦਗੀ,ਜੂੜੇ ਸਾਹ ਗੰਢਾਂ ਦੇ ਨਾਲ..!
ਯਾਦਾਂ ਦੀ ਭੀੜ ਵਿੱਚ ਵੀ, ਮੈਂ ਰਹਾਂ ਤੇਰੇ ਸ਼ਿਕਵੇ ਨਾਲ,
ਤੁਸੀਂ ਵਿੱਚ ਵਿੱਚਾਲੇ ਛੱਡ ਗਏ,ਮੰਗ ਕੇ ਮੰਨਤਾਂ ਮੇਰੇ ਨਾਲ..!!
|
