ਔਰਤਾਂ ਨੂੰ ਰਾਖਵਾਂਕਰਨ ਦੇਣ ਵਾਂਲੇ ਬਿੱਲ ਨੂੰ ਰਾਜ ਸਭਾ ਵਿਚ ਪੇਸ਼ ਕੀਤੇ ਜਾਣ ਵੇਲੇ 8 ਮਾਰਚ ਨੂੰ ਕੌਮਾਂਤਰੀ ਇਸਤ੍ਰੀ ਦਿਹਾੜੇ ਦੀ 100ਵੀਂ ਵਰ੍ਹੇਗੰਡ ਮੌਕੇ ਰਾਜ ਸਭਾ ਵਿਚ ਜੋ ਕੁੱਝ ਹੋਇਆ। ਉਹ ਭਾਰਤੀ ਲੋਕਤੰਤਰ ਦੇ ਮੱਥੇ ਤੇ ਸਿਆਹ ਦਾਗ ਹੈ। ਜਿਸ ਤਰ੍ਹਾਂ ਕੁੱਝ ਮੈਂਬਰਾਂ ਨੇ ਰਾਜ ਸਭਾ ਦੇ ਸਭਾਪਤੀ, ਦੇਸ਼ ਦੇ ਉੱਪ ਰਾਸ਼ਟਰਪਤੀ ਹਾਮਿਲ ਅਨਸਾਰੀ ਨਾਲ ਹੱਥੋਪਾਈ ਕੀਤੀ, ਉਨ੍ਹਾਂ ਤੋਂ ਬਿੱਲ ਦੀਆਂ ਨਕਲਾਂ ਫੜ੍ਹ ਕੇ ਪਾੜ ਸੁੱਟੀਆਂ, ਮਾਈਕ ਉਖਾੜੇ ਉਸ ਨੂੰ ਦੇਖ ਕੇ ਦੇਸ਼ ਦੇ ਲੋਕੰਤਤਰ ਵਿਚ ਯਕੀਨ ਕਰਨ ਵਾਲੇ, ਸੰਸਦ ਪ੍ਰਤੀ ਵਿਸ਼ਵਾਸ ਤੇ ਸਨਮਾਨ ਰੱਖਣ ਵਾਲੇ ਦੇਸ਼ ਵਾਸੀਆਂ  ਦੇ ਦਿਲ ਦੁਖੇ ਹਨ। ਸੰਸਦ ਵਿਚ ਅਜਿਹੀ ਗੁੰਡਾਗਰਦੀ ਲਈ ਭਲਾਂ ਕੀ ਥਾਂ ਹੋ ਸਕਦੀ ਹੈ? ਬਿਲਕੁਲ ਹੀ ਨਹੀਂ, ਸੰਸਦ ਵਿਚ ਅਜਿਹੇ ਲੋਕਾਂ ਦੀ ਆਮਦ ਭਾਰਤੀ ਲੋਕ ਤੰਤਰ ਦਾ ਸਭ ਤੋਂ ਮਾੜਾ ਤੇ ਕਾਲਾ ਪੱਖ ਹੈ। ਬਹਰਹਾਲ ਇਸ ਕਾਂਡ ਨੂੰ ਅੰਜ਼ਾਮ ਦੇਣ ਵਾਲੇ 7 ਮੈਂਬਰਾਂ ਨੂੰ ਪੂਰੇ ਸ਼ੈਸ਼ਨ ਲਈ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਇਹ ਸਜ਼ਾ ਘੱਟ ਹੈ। ਅਜਿਹੇ ਮੈਂਬਰਾਂ ਨੂੰ ਮੈਂਬਰੀ ਹੀ ਖਤਮ ਹੋਣੀ ਚਾਹੀਦੀ ਹੈ। ਸਦਨ ਦੀ ਮਰਿਯਾਦਾ ਤੇ ਸਨਮਾਨ ਨੂੰ ਠੇਸ ਪਹੁੰਚਾਉਣ ਵਾਲੇ ਵਿਅਕਤੀਆਂ ਦੀ ਥਾਂ ਸੰਸਦ ਨਹੀਂ, ਜੇਲ੍ਹ ਹੋਣੀ ਚਾਹੀਦੀ ਹੈ। ਅਜਿਹੇ ਤੱਤ ਸੰਸਦ ਦੇ ਅੰਦਰ ਵਾਰ ਵਾਰ ਹੰਗਾਮਾ ਕਰਦੇ ਹਨ, ਜਿਸ ਨਾਲ ਸੰਸਦ ਦੀ ਕਾਰਵਾਈ ਤੇ ਖਰਚ ਹੋਣ ਵਾਲਾ ਕਰੋੜਾਂ ਰੁਪਇਆ ਬੇਅਰਥ ਜਾਂਦਾ ਹੈ। ਇਸ ਲਈ ਭਵਿੱਖ ਵਿਚ ਵੀ ਅਜਿਹੇ ਮੈਂਬਰਾਂ ਨੂੰ ਵੇਲੇ ਸਿਰ ਹੀ ਚੁੱਕ ਕੇ ਬਾਹਰ ਸੁੱਟ ਦਿੱਤਾ ਜਾਣਾ ਚਾਹੀਦਾ ਹੈ। ਸਰਕਾਰ ਨੂੰ ਇਹ ਕਾਰਵਾਈ ਤਾਂ ਪਹਿਲੇ ਹੀ ਦਿਨ ਕਰਨੀ ਚਾਹੀਦੀ ਸੀ।
-ਹਰਮੇਲ ਪਰੀਤ

bilkul.............

bilkul theek kiha hai

Agreed

yeah, no doubt.......... it should be.