ਜਿਸ ਲਈ ਹੱਸੇ ਜਿਸ ਲਈ ਕਲਪੇ
ਜੋ ਉਮਰਾਂ ਦਾ ਬੇਲੀ,
ਡਾਚੀ ਤੇ ਅਸਵਾਰ ਹੋਇਆ ਸਾਡਾ ਚੰਨ ਪਰਤਣ ਤੇ ਮੇਲੀ
ਛੱਲਾ ਪਾਇਆ
ਮਾਣ ਵਧਾਇਆ
ਬਿੰਦ ਨਾ ਲਾਇਆ ਪਰ ਲਿਹਾਜ਼ੀ
ਛੱਡ ਤੁਰਿਆ ਜਿੰਦ ਇਕੱਲੀ
ਜਿਸ ਰਾਹ ਗੁਜ਼ਰੇ ਠਹਿਰੇ ਪੁੰਨਣ ਥਾਂ ਪੈੜ੍ਹਾਂ ਨੇ ਮੱਲ੍ਹੀ
ਕੀ ਕਰੀਏ
ਕਿਸ ਲੇਖੇ ਲਾਈਏ ਕੌਣ ਬੁੱਝੇ ਪ੍ਰੀਤ ਪਹੇਲੀ
ਕਿਸ ਧਿਰ ਮੰਨੀਏ
ਕਿਸ ਦਰ ਲੱਭੀਏ
ਕਿਸ ਜਾਈਏ ਪ੍ਰਦੇਸ਼ ਓ ਸਾਈਂ
ਹੋਏ ਮਜ਼ਾਰ ਸਵੱਲੀ,
ਸਭ ਥਾਂ ਭੀੜਾਂ ਲਾਏ ਤੰਬੂ ਸਭ ਦੀ ਅੱਖ ਕਬੱਲੀ,
ਕੀ ਜਪੀਏ
ਕੀ ਮੱਥੇ ਲਾਈਏ ਕਿਸ ਧਰੀਏ ਗੁੜ੍ਹ ਦੀ ਪੇਲ੍ਹੀ
ਕੋਰਾਂ ਪੱਕੀਆਂ
ਨਬਜ਼ਾਂ ਥੱਕੀਆਂ
ਕਰਮਾਂ ਵਾਟ ਨਬੇੜਨ ਲੱਗੀਆਂ
ਕਰ ਗਈਆਂ ਦਿੱਖ ਝੱਲੀ,
ਰੁੱਕ ਰੁੱਕ ਧਿਆਏ ਵਾਂਗ ਨਵਾਜ਼ੀ ਪਾ ਗਏ ਪੀੜ੍ਹਾਂ ਪੱਲ੍ਹੀਂ,
ਕਿਸ ਦਰ ਬਹੀਏ,
ਕਿਸੇ ਨੂੰ ਕਹੀਏ ਜਿੰਦ ਪਿਆਸੀ, ਭਰ ਲਾਵੇ ਹੋਂਠ ਹਥੇਲੀ
ਉਡੀਕ ਨੂੰ ਕਰਿਆ,
ਦੇਰ ਵੀ ਜਰਿਆ,
ਚਿੱਤ ਨੂੰ ਧਰਿਆ ਛੰਨ ਦੀ ਕਾਹੀਂ
ਬਿਨ ਪੱਤੇ ਰੂਹ ਬੱਲੀ
ਤੜਫਾਂ ਖਿੱਚ ਦੇ ਪਾਏ ਵਰੋਲੇ ਧੁਰ ਅੰਦਰਾਂ ਤੋਂ ਹੱਲ੍ਹੀ,
ਕਿਸ ਲੜ੍ਹ ਬੰਨ੍ਹੀਏ
ਕਿਸ ਥੰਮ੍ਹ ਥੰਮ੍ਹੀਏ ਭੰਨ ਸਬਰਾਂ ਦੀ ਦੇਹਲੀ
ਆਖਰ ਆਇਆ
ਥਾਰ ਮੁਕਾਇਆ
ਰੇਤ ਜਲਾਇਆ ਮੋਹ ਦਾ ਦੀਪਕ
ਧਰ ਕਬਰਾਂ ਤੇ ਪੱਲੀ
ਚਾਨਣ ਪਿੰਡ ਨੂੰ ਪਾਏ ਮੋੜੇ ਵਾਅ ਪੁਰਿਆਂ ਦੀ ਚੱਲੀ
ਜਿਸ ਲਈ ਬਲੇ
ਉਸ ਲਈ ਬੁਝ ਗਏ, ਦੋ ਨੈਣਾਂ ਦੇ ਤੇਲੀ
ਜਿਸ ਲਈ ਹੱਸੇ ਜਿਸ ਲਈ ਕਲਪੇ
ਜੋ ਉਮਰਾਂ ਦਾ ਬੇਲੀ,
ਡਾਚੀ ਤੇ ਅਸਵਾਰ ਹੋਇਆ ਸਾਡਾ ਚੰਨ ਪਰਤਣ ਤੇ ਮੇਲੀ
jis lai hasse jis lai kalape
jo umaran da beli,
dachi te asavar hoia sada chann paratan te meli
challa paia
maan vadhaia
bind na laia par lihazi
chadd turia jind ikalli
jis rah guzare thahire punnan than pairhan ne mallhi
ki karie
kis lekhe laie kaun bujje preet paheli
kis dhir mannie
kis dar labbhie
kis jaie prades o saeen
hoe mazar savalli,
sab than bhiran lae tambu sab di akkh kaballi,
ki japie
ki matthe laeeie kis dharie gurh di pelhi
koran pakkian
nabazan rukkian
karaman vaat nabheran laggiaan
kar gaian dikkh jhalli,
rukk rukk dhiae vang navazi pa gae peerhan pallhin,
kis dar bahie,
kis nun kahie jind piasi, bhar lave honth hatheli
udik nun karia,
der vi jaria,
chitt nun dharia chann di kaheen
bin patte ruh balli
tarapan khicch de pae varole dhur andaran ton hallhi,
kis larh bannhie
kis thammh thammhie bhann sabaran di dehali
aakhar aia
thar mukaia
ret jalaia moh da dipak
dhar kabaran te palli
chanan pind nun pae morhe vaa purian di challi
jis lai bale
us lai buj gae, do nainan de teli
jis lai hasse jis lai kalape
jo umaran da beli,
dachi te asavar hoia sada chann paratan te meli
|
