ਨਿੱਤ ਹੀ ਜਗਾਵੇ ਇਹ ਆਸ਼ਕਾਂ ਤੇ ਬੀਂਡਿਆਂ ਨੂੰ
ਦੁੱਖ ਦੇਣੀ ਮੈਨੂੰ ਵੀ ਜਗਾਈਂ ਰੱਖੇ ਕਾਲੀ ਰਾਤ
ਗਿਣ ਕੇ ਸਵਾਤ ਵਾਲੇ ਖਣਾਂ ਦੀਆਂ ਲਾਲ ਇੱਟਾਂ
ਹੋਰ ਪਾਈ ਸੱਜਣਾਂ ਦੇ ਬਹੀ-ਖਾਤੇ ਕਾਲੀ ਰਾਤ
ਲਿਵ ਲਾਈ ਦੀਵੇ ਨੇ ਸੁਆਸਾਂ ਤੇ ਆਕਾਸ਼ਾਂ ਨਾਲ
ਜਪੀਂ ਜਾਵੇ ਚੁੱਪ ਚਾਪ ਮੇਰੇ ਤੋਂ ਸੁਖਾਲੀ ਲਾਟ
ਭਰ ਕੇ ਸੰਧੂਰੀ ਰੰਗ ਵਫਾ ਵਾਲੇ ਚੀਰਾਂ ਵਿਚ
ਯਾਦਾਂ ਦਿਆਂ ਸੂਰਜਾਂ ਨੇ ਵਿਆਹੀ ਕਾਲੀ ਰਾਤ
ਹੂੰ ਦੇ ਹੁੰਗਾਰੇ ਭਰ ਦੇ ਗਿਆ ਜਵਾਬ ਕੋਈ
ਸੱਜਣਾਂ ਨੂੰ ਪਾਈ ਜਦ ਇਜਹਾਰ ਵਾਲੀ ਬਾਤ
ਰੁੱਖਾਂ ਦੀਆਂ ਛਾਵਾਂ ਹੇਠ ਵੇਖਦੀ ਮਿਲਾਪ ਜਿਵੇਂ
‘ਹਾਂ‘ ਵਾਲੇ ਵੇਖ ਪਲ ਸ਼ਰਮਾਈ ਕਾਲੀ ਰਾਤ
ਘੁਲ ਘੁਲ ਆਉਣ ਦੂਰੋਂ ਪੁਰਿਆਂ ਦੇ ਬੁੱਲੇ
ਲੱਗੇ ਮੋਟਰਾਂ ਦੇ ਕੋਠੇ ਜਿਵੇਂ ਵੰਝਲੀ ਰਕਾਟ
ਖੇਤਾਂ ਦੇ ਕਿਆਰਿਆਂ ਚ‘ ਪੈਂਦੇ ਪਾਣੀ ਨਾਲ
ਸੁਣ-ਸੁਣ ਸੀਰੀਆਂ ਦੀ ਲੰਘਜੇ ਸੁਖਾਲੀ ਰਾਤ
ਕੇਰ ਗਏ ਰੁੱਖ-ਪੱਤੇ ਨਵਾਂ ਪਾਉਣ ਲਈ ਲਿਬਾਸ
ਗਲ਼ੀਆਂ ਦੇ ਕਹਿਣ ਕੁੱਤੇ ਜਿਸ ਸਾਜਸ਼ੀ ਖੜਾਕ
ਸ਼ੀਸ਼-ਮਹਿਲ਼ਾਂ ਵਿਚਲੇ ਬਸ਼ਿੰਦੇ ਜੇ ਬਿਤਾਉਣ ਏਦਾਂ
ਲਾਵਾਰਿਸ਼ਾਂ ਦੀ ਨਿੱਤ ਜਿੱਦਾਂ ਬੀਤੇ ਕਾਲੀ ਰਾਤ
ਕੀ ਹੋਇਆ ਵਸਦੇ ਜੋ ਉਹ ਦਿਨ ਚੜ੍ਹੇ ਦੇਸ਼
ਉਹਨੂੰ ਕਰ ਕਰ ਏਥੇ ਯਾਦ ਆ ਜਾਣੀ ਪ੍ਰਭਾਤ
ਹੋਏ ਜੇ ਨਸੀਬਾਂ ਵਿੱਚ ਉਹਦੇ ਹੱਥਾਂ ਤੋਂ ਖਿਤਾਬ
ਸਾਨੂੰ ਕਹਿਣਗੇ ਆਦਾਬ ਪੂਰੇ ਚੰਨ ਵਾਲੀ ਰਾਤ
nitt hi jagave eh asakan te beenddian nun
dukkh deni mainun vi jagain rakkhe kali raat
gin ke savaat vale khanan dian lal ittan
hor pai sajjanan de bahi-khate kali raat
liv lai deeve ne suaasan te aakasan nal
japin jave chupp chap mere ton sukhali laat
bhar ke sandhuri rang vafa vale cheeran vich
yadan dian surajan ne viahi kali raat
hun de hungare bhar de gia javab koi
sajjanan nun pai jad ijahar vali baat
rukkhan dian chavan heth vekadi milap jiven
‘han` vale vekh pal sharmai kali raat
ghul ghul aun duron purian de bulle
lagge motaran de kothe jiven vanjali rakat
khetan de kiarian ch painde pani naal
sun-sun sirian di langaje sukhali raat
ker gae rukkh-patte navan paun lai libas
galian de kahin kutte jis sajasi kharak
sis-mahilan vichale basinde je bitaun edan
lavarisan di nitt jiddan beete kali raat
ki hoia vasadi uh jo din charhe desh
uhanun kar kar ethe yad aa jani prabhat
hoe je nasiban vicch uhade hatthan ton khitab
sanun kahinage aadab poore chann vaali raat
