ਲਿਖ ਲੈਣਾ
ਮੈਂ ਅਰਬੀ ਨਸਲ ਚੋਂ ਹਾਂ
ਤੇ ਮੇਰਾ ਪਛਾਣ ਪ‌ੱਤਰ ਨੰਬਰ ਪੰਜਾਹ ਹਜਾਰ ਹੈ|
ਮੇਰੇ ਅੱਠ ਬੱਚੇ ਹਨ ਤੇ ਨੌਵਾਂ ਗਰਮੀਆਂ ਬਾਅਦ ਆ ਰਿਹਾ ਹੈ
ਤੁਹਾਨੂੰ ਕੋਈ ਨਰਾਜ਼ਗੀ ਤਾਂ ਨਹੀ ਹੋਵੇਗੀ|

ਲਿਖ ਲੈਣਾ
ਮੈਂ ਅਰਬੀ ਨਸਲ ਚੋਂ ਹਾਂ
ਤੇ ਆਪਣੇ ਸਾਥੀਆਂ ਸਮੇਤ ਮਜ‌਼ਦੂਰੀ ਕਰਦਾਂ|
ਮੇਰੇ ਅੱਠ ਬੱਚੇ ਹਨ
ਮੈਂ ਉਹਨਾਂ ਲਈ ਰੋਟੀ,ਕਪੜੇ,ਕਿਤਾਬਾਂ
ਪਥਰਾਂ ਨਾਲ ਘੁਲਕੇ ਖਰੀਦਦਾਂ
ਮੈਂ ਤੁਹਾਡੇ ਦਰਾਂ ਤੇ ਭੀਖ ਲਈ ਹਾੜੇ ਨਹੀ ਕੱਢਦਾ
ਨਾ ਹੀ ਤੁਹਾਡੇ ਭਾਵਨਾਂ ਅੱਗੇ ਹੱਥ ਫੈਲਾ ਕੇ
ਆਪਣੇ ਆਪ ਨੂੰ ਛੁਟਿਆਉਦਾਂ ਹਾਂ
ਕੀ ਤੁਸੀਂ ਨਾਰਾਜ਼ ਤਾਂ ਨਹੀ ਹੋਵੋਗੇ ?

ਲਿਖ ਲੈਣਾ
ਮੈਂ ਅਰਬੀ ਨਸਲ ਚੋਂ ਹਾਂ
ਮੇਰੇ ਨਾਮ ਨਾਲ ਕੋਈ ਪਦਵੀ ਨਹੀਂ
ਓਸ ਮੁਲਕ ਵਿਚ ਮਰੀਜ਼ ਹਾਂ
ਜਿੱਥੇ ਲੋਕ ਬੜੇ ਗੁਸੈਲੇ ਹਨ |
ਸਮੇਂ ਦੇ ਹੋਂਦ ਵਿਚ ਆਉਣ ਤੋਂ ਪਹਿਲਾਂ ਹੀ
ਯੁਗਾਂ ਦੇ ਆਰੰਭ ਤੋਂ ਪੇਸ਼ਤਰ
ਦਿਆਰ ਤੇ ਔਲੇ ਦੇ ਰੁੱਖਾਂ ਨਾਲ
ਘਾਹ ਦੇ ਉਗਣ ਦੀ ਘੜੀ ਨੂੰ ਪਛਾੜਦੀਆਂ
ਮੇਰੀਆਂ ਜੜ‌ਾਂ ਲੱਗ ਗਈਆਂ ਸਨ|

ਮੇਰੇ ਪਿਤਾ ਦੇ ਵਡੇਰੇ
ਧਰਤੀ ਪੁੱਤਾਂ ਚੋਂ ਸਨ
ਕਿਸੇ ਉਚੇਰੀ ਜਮਾਤ ਵਿਚੋ ਨਹੀਂ
ਤੇ ਮੇਰਾ ਦਾਦਾ ਕਿਸਾਨ ਸੀ
ਨਾਂ ਹੀ ਰੱਜਿਆ ਪੁਜਿਆ, ਨਾਂ ਹੀ ਅਮੀਰ ਜਨਮਿਆ
ਲਿਖਣ ਪੜਨ ਤੋਂ ਪਹਿਲਾਂ ਉਹ ਮੈਨੂੰ
ਸੂਰਜ ਦੇ ਗੁਮਾਨ ਬਾਰੇ ਦੱਸਦਾ ਹੈ,
ਤੇ ਮੇਰਾ ਘਰ ਚੋਂਕੀਦਾਰ ਦੀ ਝੋਂਪੜੀ ਵਰਗਾ ਹੈ
ਪੱਤਿਆਂ, ਟਾਹਣੀਆਂ ਦਾ ਬਣਿਆ ਹੋਈਆ,
ਕੀ ਤੁਹਾਨੂੰ ਮੇਰੇ ਇਸ ਮਰਾਤਬੇ ਦੀ ਤਸੱਲੀ ਹੈ,
ਮੇਰਾ ਨਾਮ ਹੈ ਪਰ ਇਸ ਨਾਲ ਕੋਈ ਪਦਵੀ ਨਹੀਂ|

ਲਿਖ ਲੈਣਾ
ਕਿ ਮੈਂ ਅਰਬੀ ਹਾਂ
ਤੁਸੀ ਮੇਰੇ ਵਡੇਰੀਆਂ ਦੇ ਬਾਗ਼ ਚੋਰੀ ਕੀਤੇ ਹਨ
ਅਤੇ ਉਹ ਧਰਤੀ ਵੀ ਜੋ ਮੈਂ ਆਪਣੇ ਬੱਚਿਆ ਨਾਲ
ਰਲਕੇ ਵਾਹੀ ਬੀਜੀ ਸੀ
ਤੇ ਤੁਸੀਂ ਵੀਰਾਨ ਪਥੱਰਾਂ ਤੋਂ ਬਿਨਾਂ
ਸਾਡੇ ਲਈ ਕੁਝ ਨਹੀਂ ਛਡਿਆ|
ਕੀ ਤੁਹਾਡੇ ਕਹਿਣ ਅਨੁਸਾਰ
ਹਕੂਮਤ ਇਸ ਨੂੰ ਸੰਭਾਲੇਗੀ?

ਇਸ ਲਈ
ਬਿਆਨ ਦੇ ਸਭ ਤੋਂ ਪਹਿਲੇ ਸਫੇ ਦੇ ਸਿਖ਼ਰ ਤੇ ਲਿਖੋ
ਮੈਂ ਲੋਕਾਂ ਨੂੰ ਨਫ਼ਰਤ ਨਹੀਂ ਕਰਦਾ
ਨਾ ਹੀ ਕਿਸੇ ਦਾ ਹੱਕ ਮਾਰਦਾ ਹਾਂ|
ਪਰ ਜੇ ਮੈਂ ਭੁੱਖ ਬਾਲ ਤੜਪਦਾ ਹੋਵਾਂ
ਤਾਂ ਜ਼ਾਲਮ ਹੀ ਮੇਰੀ ਖੁਰਾਕ ਹੋਵੇਗੀ |
ਖ਼ਬਰਦਾਰ ਰਹੋ ਸਦਾ
ਮੇਰੀ ਭੁੱਖ ਤੋਂ
ਅਤੇ ਮੇਰੇ ਗੁੱਸੇ ਤੋਂ|

ਮਹਿਮੂਦ ਦਰਵੇਸ਼

ਜੇ ਕੋਈ ਲਿਖਣ ਚ ਗਲਤੀ ਰਹਿ ਗਈ ਹੋਵੇ ਤਾਂ ਮਾਫ਼ ਕਰਨਾ|

bahut hi vadhiya bai g .. keep sharing .. rabb rakha

ਮੈਂ ਤੁਹਾਡੇ ਦਰਾਂ ਤੇ ਭੀਖ ਲਈ ਹਾੜੇ ਨਹੀ ਕੱਢਦਾ
ਨਾ ਹੀ ਤੁਹਾਡੇ ਭਾਵਨਾਂ ਅੱਗੇ ਹੱਥ ਫੈਲਾ ਕੇ



ਭਾਵਨਾਂ ਨਹੀਂ ਭਵਨਾਂ ਹੈ

aha... kya baat ae janab... bahut wadhiya .... awesome post as usual...!!