ਜਦ ਤੱਕ ਹੈ ਤੇਰੇ ਜਹੇ ਚੰਨ ਇੱਥੇ
ਸਾਨੂੰ ਟੁੱਟੇ ਤਾਰਿਆਂ ਨੂੰ ਕੀਹਨੇ ਦੇਖਣਾ ,,
ਤੇਰੇ ਕਰਕੇ ਸੀ ਮਸ਼ਹੂਰ ਦੁਨੀਆ 'ਚ
ਸਾਨੂੰ ਇੱਕਲਿਆਂ ਵਿਚਾਰਿਆਂ ਨੂੰ ਕੀਹਨੇ ਦੇਖਣਾ ,,
ਮਹਿਲ ਮੁਨਾਰਿਆਂ ਦੇ ਪਿੱਛੇ ਇਹ ਸ਼ਦਾਈ ਦੁਨੀਆ
ਸਾਨੂੰ ਟੁੱਟੇ ਚੁਬਾਰਿਆਂ ਨੂੰ ਕੀਹਨੇ ਦੇਖਣਾ ,,
ਸਜੀ ਹੋਈ ਡੋਲੀ ਤੇਰੀ ਹਰ ਕੋਈ ਤੱਕਦਾ ਏ
ਮੇਰੀ ਅਰਥੀ ਕਹਾਰਿਆਂ ਨੂੰ ਕੀਹਨੇ ਦੇਖਣਾ ,,
ਸਭੇ ਪਾਸੇ ਸੀਤ ਹਵਾ ਦੀਆਂ ਹੋਣ ਗੱਲਾਂ ,,
ਮੇਰੇ ਪਿਆਰ ਦੇ ਅੰਗਾਰਿਆਂ ਨੂੰ ਕੀਹਨੇ ਦੇਖਣਾ ,,
ਦੁਖਾਂ ਦੀ ਹਨੇਰੀ 'ਚ ਪਲਦਾ ਰਿਹਾ ਸਾਰੀ ਉਮਰ
ਕੁਝ ਸੁਖਾਂ ਦੇ ਹੁਲਾਰਿਆਂ ਨੂੰ ਕੀਹਨੇ ਦੇਖਣਾ ,,
ਮਾਰਨ ਲਈ ਖੜੇ ਜਿਹੜੇ ਨੇ ਤਿਆਰ ਮੈਨੂੰ
ਮੇਰੇ ਜਿਊਣ ਦੇ ਨਾਅਰਿਆਂ ਨੂੰ ਕੀਹਨੇ ਦੇਖਣਾ ,,
ਹੁੰਦੀਆਂ ਸਲਾਮਾਂ ਜਿੱਤਾਂ ਵਾਲਿਆਂ ਨੂੰ ਇੱਥੇ
'ਅਮਨ' ਇਸ਼ਕ 'ਚ ਹਾਰਿਆਂ ਨੂੰ ਕੀਹਨੇ ਦੇਖਣਾ ! !
|