iss comunity vich meri pehl irachna aap de charna vich.....
yeh ghoonjti khamoshiyan, tumse hai kuch keh rahi,
inn khamoshiyon main ik raaz hai, kyunki ishq mera khamosh hai...
hai husn tera dekh kar, khamoshiyan bhi gaa rahi,
teri chup main to ik saaz hai, par aaj sur khamosh hai
dekh kar teri nazar, hai kehkashe sharmaa gayi,
teri aankh main ik baat hai, phir kyun zubaa khamosh hai
tu chaand hai tera noor se, roshni hai ho rahi,
yeh fiza kuch khaas hai, phir kyun hawa khamosh hai
tera nasha kuch iss kadar, ki mehkhana hi pee liya,
sab ko nashe ka khwaab hai, phir kyun saaki khamosh hai
yeh raat gehri dosto, dil ko hai tadpaa rahi,
ik shor hai iss raat main, par chandni khamosh hai
meri zindgi thi ikk subah, abb sham main hai dhal rahi,
meri zindgi bas aaj hai, phir bhi sanam khamosh hai
izhaar mere pyar ka, hai aankh meri kar rahi,
mera to yeh andaaz hai, 'MEET' iss liye khamosh hai...
|
