|
***੧ਓ **** |
ਭੁੱਲੇ ਨਾ ਮਨੋਂ ਕਲਾ ਓਸ ਕਲਾਕਾਰ ਦੀ ਬਣਾਈ ਹੈ ਜਿਸਨੇ ਤਸਵੀਰ ਇਸ ਸੰਸਾਰ ਦੀ, !!
ਪਿਆਰ ਦੇ ਸੰਦਰਭ 'ਚ ,ਸਦਾ ਪਰਕਿਰਤੀ ਹੈ ਪੁਚਕਾਰਦੀ , ਪਰ ਛੇੜਖਾਨੀ ਕਰਨ ਤੇ, ਹੈ ਵਿਰਾਟ ਰੂਪ ਧਾਰਦੀ !!
ਸਮਝ ਨਹੀਂ ਹੈ ਬੇਸਮਝੇ ਨੂੰ,ਓਸਦੇ ਪਿਆਰ ਦੀ, ਚਾਬੀ ਹੈ ਹੱਥ ਜਿਸਦੇ, ਸਾਰੇ ਸੰਸਾਰ ਦੀ,!!
ਸਵੈ ਰਚਿਤ ਰੰਗਮੰਚ ਤੇ,ਕੁਦਰਤ ਅਜੀਬ ਖੇਡ ਹੈ ਖੇਡਦੀ ਆਪਣੇ ਹੀ ਜਾਇਆਂ ਨੂੰ, ਅੰਤ ਆਪ ਹੈ ਸਮੇਟਦੀ....................
ਮਸਤੀਲੇ ਪੇ੍ਮੀਆਂ ਨੂੰ ,ਓਹ ਸਦਾ ਹੈ ਪੁਚਕਾਰਦੀ ਪਰ ਅਕਿ੍ਤਘਣੇ ਪੁਤਲਿਆਂ ਨੂੰ, ਓਹ ਕਦੇ ਨਾ ਸਹਾਰਦੀ , ਸ਼ਕਤੀ ਹੈ ਇੱਕ ਜੋ ਤਰੁਵਰ ਫੁਲ ਹੈ ਖਿਲਾਰਦੀ, ਕੁਦਰਤ ਹੈ ਓਹ ਜੋ ਅਸੰਖ ਜੀਵ ਜੰਤੂ ਹੈ ਪਾਲਦੀ, ਗੱਲ ਇੱਕ ਹੈ ਜੱਚਦੀ,ਨਿਰਵੈਰ ਓਸਦੇ ਸੁਭਾਅ ਦੀ, ਕਿ ਨਿਰਗੁਣਿਆਂ ਦੇ ਔਗੁਣ ,ਓਹ ਕਦੇ ਨਾ ਚਿਤਾਰਦੀ.......
ਹਰੀ ਰਸ ਗਾਉਂਦਿਆਂ , ਹਰ ਰੰਗ ਮਾਣਦਿਆਂ ਕਰਦਾ ਹੈ ਪਾ੍ਪਤੀ ,ਜਦ ਕੋਈ ਮਹਾਂ ਰਸ ਦੀ ਤਦ ਕੁਦਰਤ ਵੀ ਆ,ਓਸਦੀਆਂ ਤਲੀਆਂ ਹੈ ਝੱਸਦੀ.................
ਕੁਦਰਤ ਹੈ ਓਹ ਕੈਨਵਸ ,ਜਿਹਤੇ ਕਲਾ ਹੈ ਓਸਦੀ ਵਰਤਦੀ ਰੰਗਾਂ 'ਚ ਰੰਗੀ ਕਲਮ ਰਚਨਾ ਰਚਦੀ ਹੈ,ਸਾਰੀ ਧਰਤ ਦੀ ............ ਅਤਿ ਅਦਭੁਤ ਹੈ ਕਲਾ ,ਅਤਿ ਅਦਭੁਤ ਹੈ ਆਕਾਰ, ਅਤਿ ਅਦਭੁਤ ਹੈ ਸੰਰਚਨਾ ,ਜਿਉਂ ਵੰਡੇ ਕੰਮਕਾਰ !!!
ਹਸਤੀ ਓਸਦੀ ਸਾਹਮਣੇ ,ਬੰਦੇ ਦੀ ਕੀ ਔਕਾਤ ਏ ਛੋਟੀ ਪੈ ਜਾਂਦੀ ਝੋਲੀ,ਵੱਡੀ ਓਸਦੀ ਸੌਗਾਤ ਏ !!!!
ਪਰਮਾਤਮਾ ਹੈ ਕੁਦਰਤ 'ਚ, ਕੁਦਰਤ 'ਚ ਹੇ ਇਉਂ ਪਰਮਾਤਮਾ ਜਿਉਂ ਰਗਾਂ 'ਚ ਚੱਲਦਾ ਸਾਹ ,ਤੇ ਸਾਹਾਂ 'ਚ ਹੈ ਆਤਮਾ !!!!!!!1
ਜੇ ਗਲਤ ਫਹਿਮੀਆਂ ਤਜਿ ਬੰਦਾ ਸੁਥਰਾ ਬਣ ਹੈ ਨਿਤਰਦਾ ਪੰਛੀਆਂ 'ਚ ਜਨੌਰਾਂ 'ਚ ਹਰ ਬਸ਼ਰ 'ਚ, ਜਦ ਆਲਮ ਹੈ ਝਲਕਦਾ ਤਦ ਸਭ ਭੁਲੇਖੇ ਦੂਰ ਕਰ ਕੁਦਰਤ ਵੀ ਕਰ ਲੈਂਦੀ ਓਸ ਨਾਲ ਮਿਤਰਤਾ..........!
|
|
24 Oct 2009
|