ਰਾਤ
ਇਹ ਅੱਜ ਦੀ ਰਾਤ
ਚੁੱਪ ਚੁਪੀਤੀ ਤੇ ਵੀਰਾਨ
ਸਿਵੇ ਦੀ ਠੰਡੀ ਰਾਖ ਵਾਂਗਰ
ਗੁੰਮਸੁੰਮ ਤੇ ਸੁੰਨਸਾਨ
ਚੁੱਕ ਲਿਆਈ ਮੇਰੇ ਲਈ
ਕੋਝੇ ਖਾਬਾਂ ਦੀ ਸੌਗਾਤ
ਰਾਤ
ਇਹ ਅੱਜ ਦੀ ਰਾਤ !!!

ਰਾਤ
ਇਹ ਅੱਜ ਦੀ ਰਾਤ ਦਰਦਾਂ ਭਰੀ
ਕੁੱਖ ਵਿੱਚ ਲੈ ਭਲਕ ਦਾ ਸੂਰਜ
ਆ ਮੇਰੇ ਹੁਣ ਦਰ ਖੜੀ੍
ਆਈ ਹੜੱਪ ਜੋ ਚੜ੍ਦੇ ਦਾ ਸਿੱਕਾ
ਦੂਰ ਨੀਲੇ ਦਾ ਪੀਲਾ ਤਾਰਾ ਫਿੱਕਾ
ਹੁਣ ਅੰਬਰ ਦੀ ਛਾਤੀ ਤੇ ਜਾਂਦੀ ਕਾਲਖ ਵਾਹੁੰਦੀ
ਕੰਮਬਖ਼ਤ ਆਉਣਾ ਸੀ
ਤਾਂ ਕੱਲ ਸੁਬਹਾ ਹੀ ਆਉਂਦੀ
ਜਾਂ ਪੁੱਛ ਲੈਂਦੀ ਆਉਣ ਲੱਗੀ
ਕੁਝ ਮੇਰੇ ਤਾਂ ਖਿਆਲਾਤ
ਰਾਤ
ਇਹ ਅੱਜ ਦੀ ਰਾਤ !!!

ਰਾਤ
ਇਹ ਅੱਜ ਦੀ ਰਾਤ
ਕਾਲੀ ਬੋਲੀ ਤੇ ਖ਼ਾਮੋਸ਼
ਹਰ ਗਲੀ ਦਾ ਪਈ ਚੁੰਮਦੀ ਮੋੜ
ਰਾਤ ਹਨੇਰੇ ਵਿੱਚ ਮਦਹੋਸ਼ !!
ਬਾਵਰੀ ਜੋਤਹੀਨ ਪਈ ਘੁੰਮਦੀ
ਵਿਹੜੇ ਮੇਰੇ ਭਾ ਰਹੀ ਹੈ
ਖੌਰੇ ਕਿਉਂ ਉਜੜੇ ਆਸ਼ਿਆਨੇ ਵਿੱਚੋਂ
ਕੋਈ ਭਲਕ ਦਾ ਸੂਰਜ ਚਾਹ ਰਹੀ ਹੈ
ਸਿਆਹ ਕਾਲੀ ਸੱਪਣੀ ਵਾਂਗਰ
ਮੇਰੇ ਵੱਲ ਸਰਕਦੀ ਆ ਰਹੀ ਹੈ
ਕਮਰੇ ਦੀਆਂ ਛੱਤਾਂ ਉਤੇ
ਘਰ ਮੇਰੇ ਦੇ ਪੱਟਾਂ ਉਤੇ
ਅੰਧਘੋਰ ਬਣ ਛਾਅ ਰਹੀ ਹੈ
ਦਾਮਨ ਮੇਰੇ ਦਾ ਬਚਿਆ ਚਾਨਣ
ਕਿਉਂ ਕੰਮਬਖਤ ਹੁਣ ਸੁੰਘ ਰਹੀ ਹੈ
ਛਾਤੀ ਅਰਸ਼ ਦੀ ਪੁੱਠੀ ਪਲਮਕੇ
ਸੁਹੱਪਣ ਚੰਨ ਦਾ ਚੁੰਘ ਰਹੀ ਹੈ
ਸ਼ਾਇਦ ਹੋਵੇ ਏਸਨੂੰ ਮੇਰੇ ਕੋਝੇ ਖਾਬਾਂ ਦਾ ਗਿਆਤ
ਰਾਤ
ਇਹ ਅੱਜ ਦੀ ਰਾਤ
ਛੱਪ ਜਾਵੇਗੀ ਜਾਕੇ ਕਿਧਰੇ
ਜਦ ਹੋਵੇਗੀ ਪ੍ਭਾਤ
ਰਾਤ
ਇਹ ਅੱਜ ਦੀ ਰਾਤ
ਚੁੱਪ ਚੁਪੀਤੀ ਤੇ ਵੀਰਾਨ
ਸਿਵੇ ਦੀ ਠੰਡੀ ਰਾਖ ਵਾਂਗਰ
ਗੁੰਮਸੁੰਮ ਤੇ ਸੁੰਨਸਾਨ !!!!!

ਰਾਤ
ਇਹ ਅੱਜ ਦੀ ਰਾਤ ਦਰਦਾਂ ਭਰੀ
ਕੁੱਖ ਵਿੱਚ ਲੈ ਭਲਕ ਦਾ ਸੂਰਜ
ਆ ਮੇਰੇ ਹੁਣ ਦਰ ਖੜੀ੍
ਆਈ ਹੜੱਪ ਜੋ ਚੜ੍ਦੇ ਦਾ ਸਿੱਕਾ
ਦੂਰ ਨੀਲੇ ਦਾ ਪੀਲਾ ਤਾਰਾ ਫਿੱਕਾ
ਹੁਣ ਅੰਬਰ ਦੀ ਛਾਤੀ ਤੇ ਜਾਂਦੀ ਕਾਲਖ ਵਾਹੁੰਦੀ
ਕੰਮਬਖ਼ਤ ਆਉਣਾ ਸੀ
ਤਾਂ ਕੱਲ ਸੁਬਹਾ ਹੀ ਆਉਂਦੀ
ਜਾਂ ਪੁੱਛ ਲੈਂਦੀ ਆਉਣ ਲੱਗੀ
ਕੁਝ ਮੇਰੇ ਤਾਂ ਖਿਆਲਾਤ
ਰਾਤ
ਇਹ ਅੱਜ ਦੀ ਰਾਤ !!!

andaaz behadd khoobsurat hai