ਮੈਂ ਵੀ ਇਨਸਾਨ ਇਹ ਉਪਾਧੀ ਤਾਂ ਦੇ ਦਿਓ ਮੈਨੂੰ

ਬਣਦੇ ਹਕ ਮੇਰੇ ਸਮਾਜੀ ਤਾਂ ਦੇ ਦਿਓ ਮੈਨੂੰ

ਮਹਿਲਾ-ਅਧਿਕਾਰਾਂ ਦੀ ਵੀ ਬਹਸ ਕਰ ਲਿਓ ਮਗਰੋਂ

ਮੇਰੇ ਹਿੱਸੇ ਦੀ ਅਜ਼ਾਦੀ  ਤਾਂ ਦੇ ਦਿਓ ਮੈਨੂੰ

ਕਿਹੜਾ ਕਾਨੂੰਨ ਸਜ਼ਾ ਮੌਤ ਦੇਵੇ ਜੰਮਣ ਤੇ

ਹੋਏ ਜੇ ਲਿਖਤ ਜਵਾਬੀ ਤਾਂ ਦੇ ਦਿਓ ਮੈਨੂੰ

ਜੇ ਨ ਮਨਜ਼ੂਰ ਕਿ ਸਾਥੀ ਹੋ ਦਿਲ ਦੀ ਮਰਜ਼ੀ ਦਾ

ਹਾਣ ਦੇ ਨਾਲ ਦੀ ਸ਼ਾਦੀ ਤਾਂ ਦੇ ਦਿਓ ਮੈਨੂੰ

ਸਿਲਸਿਲਾ ਰਾਤ-ਸਿਆਹੀ ਦਾ ਜਨਮ ਤੋਂ ਮੈਨੂੰ

ਕੋਈ ਇਕ ਸ਼ਾਮ ਗੁਲਾਬੀ ਤਾਂ ਦੇ ਦਿਓ ਮੈਨੂੰ

ਫਲਸਫਾ,ਧਰਮ ਦੇ ਸਨਮਾਨ ਕਦ  ਨੇ ਮੈਂ ਚਾਹੇ

ਮੇਰੀ ਫਿਤਰਤ ਦੀ ਮਿਜ਼ਾਜੀ ਤਾਂ ਦੇ ਦਿਓ ਮੈਨੂੰ

ਘਰ ਦਾ ਪਿੰਜਰਾ ਤੇ ਕਈ ਹੋਰ ਪਿੰਜਰੇ ਉਸ ਵਿਚ

ਕਦੀ ਪਰਵਾਜ਼ ਉਕਾਬੀ ਤਾਂ ਦੇ ਦਿਓ ਮੈਨੂੰ

ਜੇ ਨਹੀਂ ਰੰਗ-ਬਰੰਗੀ ਤੇ ਜ਼ਿੰਦਗੀ ਨ ਸਹੀ

ਜੇਹੀ ਵੀ ਸਾਦ-ਮੁਰਾਦੀ ਤਾਂ ਦੇ ਦਿਓ ਮੈਨੂੰ

Karaari chot ae iss samaj te eh kavita..!!

bilkul sahi lafz ditte tusi jazbaata nu...

bahut khoob..!

bahut vdiya dear...

must read..for everyone here...

Wah 22 ji wah bahut wadhiya.. Chaperh samaj de muh te.. Hats off..