ਅੱਜ ਫੇਰ ਦਿਲ ਭਰਿਆ,
ਅੱਜ ਫੇਰ ਕੁੱਝ ਲਿਖਣਾ ਚਾਹੁੰਦਾ ਆਂ,
ਦਿਲ ਭਰਦਾ ਵੀ ਉਸ ਵੇਲੇ,
ਜਦੋਂ ਤੇਰੀ ਯਾਦ ਸਤਾਉਂਦੀ ਏ..
ਮੇਰੀ ਕਿੱਥੇ ਔਕਾਤ ਲਿਖਣ ਦੀ,
ਤੇਰੀ ਯਾਦ ਲਿਖਾਉਂਦੀ ਏ...
ਦਿਨ ਵੇਲੇ ਖਿਆਲਾਂ ਚ,
ਤੂੰ ਸਾਥੀ ਬਣ ਕੇ ਸਾਥ ਨਿਭਾਉਂਦੀ ਏ,
ਰਾਤ ਕੱਲਿਆਂ ਬੈਠਾ ਵੇਖ ਮੈਨੂੰ,
ਮੁੜ ਆਣ ਤੂੰ ਫੇਰਾ ਪਾਉਂਦੀ ਏ,
ਮੇਰੀ ਕਿੱਥੇ ਔਕਾਤ ਲਿਖਣ ਦੀ,
ਤੇਰੀ ਯਾਦ ਲਿਖਾਉਂਦੀ ਏ...
ਹੋਣ ਅੱਖਾਂ ਬੰਦ ਤੇ,
ਤੂੰ ਸੁਪਣੇ ਵਿਚ ਆ ਜਾਂਦੀ ਏ,
ਸੱਚ ਸਮਝ ਜੇ ਮੈਂ ਅੱਖ ਖੋਲਾਂ,
ਤੂੰ ਫੇਰ ਗੁੰਮ ਹੋ ਜਾਂਦੀ ਏ..
ਮੇਰੀ ਕਿੱਥੇ ਔਕਾਤ ਲਿਖਣ ਦੀ,
ਤੇਰੀ ਯਾਦ ਲਿਖਾਉਂਦੀ ਏ...
ਬੀਤੀਆ ਜੋ ਵੇਲਾ ਨਾਲ ਤੇਰੇ,
ਉਹ ਮੈਨੂੰ ਜੀਣ ਵੀ ਨੀ ਦਿੰਦਾ,
ਕੀਤਾ ਵਾਅਦਾ ਜੋ ਤੇਰੇ ਨਾਲ ਨਾ ਪੀਣ ਦਾ,
ਮੈਨੂੰ ਪੀਣ ਵੀ ਨੀ ਦਿੰਦਾ,
ਫੇਰ ਪੜਦਾ ਖਤ ਪੁਰਾਣੇ ਤੇਰੇ,
ਤੇ ਮੇਰੀ ਅੱਖ ਭਰ ਆਉਂਦੀ ਏ,
ਮੇਰੀ ਕਿੱਥੇ ਔਕਾਤ ਲਿਖਣ ਦੀ,
ਤੇਰੀ ਯਾਦ ਲਿਖਾਉਂਦੀ ਏ...
ਯਾਦਾਂ ਦੇ ਵਿੱਚ ਖੋਏ ਦੀ ,
ਜਦੋਂ ਮੇਰੀ ਜਿੰਦ ਕੁਰਲਾਉਂਦੀ ਏ,
ਸਾਥੀ ਕੋਈ ਵੀ ਨੀ ਲੱਭਦਾ ਉਦੋਂ,
ਮੇਰੀ " ਤਨਹਾਈ" ਤੇ "ਕਲਮ" ਸਾਥ ਨਿਭਾਉਂਦੀ ਏ,
ਮੇਰੀ ਕਿੱਥੇ ਔਕਾਤ ਲਿਖਣ ਦੀ,
ਤੇਰੀ ਯਾਦ ਲਿਖਾਉਂਦੀ ਏ...
ਹੱਸਣੇ ਦਾ ਵਾਅਦਾ ਲੈ ਗਈ ਜੁਦਾ ਹੋਣ ਲੱਗਿਆਂ,
ਤੇ ਮੈਨੂੰ ਅੱਖ ਭਰੀ ਚ ਵੀ ਹੱਸਣਾ ਪਿਆ,
ਇਹ ਵੀ ਨਾ ਪੁੱਛ ਹੋਈਆ,
ਕੇ ਬਿਨਾਂ ਮਤਲਬ ਕਿਸ ਦੀ ਅੱਖ ਰੋਣਾ ਚਾਹੁੰਦੀ ਏ..??
ਤੇਰਾ "ਬੌਬੀ" ਵੀ ਨੀ ਰੋਂਦਾ ਝੱਲੀਏ,
ਤੇਰੀ ਯਾਦ ਰੁਵਾਉਂਦੀ ਏ,
ਮੇਰੀ ਕਿੱਥੇ ਔਕਾਤ ਲਿਖਣ ਦੀ,
|