**********************

ਐ ‌ਖ਼ੁਦਾ ਪਰਵਾਜ਼ ਦੇ,
ਉੱਚੀ ਜਿਹੀ ਆਵਾਜ਼ ਦੇ,
ਆਸਮਾਨ ਨੂੰ ਛੂਹ ਲਵਾਂ ,
ਐਸਾ ਕੋਈ ਆਗ਼ਾਜ਼ ਦੇ...!!!

ਇਹ ਦੁਨਿਆਂ ਤੇਰੇ ਬੰਦਿਆਂ ਦੀ,
ਕੁਝ ਚੰਗਿਆਂ ਦੀ, ਕੁਝ ਮੰਦਿਆ ਦੀ,
ਕਈ ਅੱਧਭੁੱਖੇ ਕਰਦੇ ਸ਼ੁਕਰ ਤੇਰਾ,
ਕਈ ਵਾਲਾਂ ਨੂੰ ਲਾਉਂਦੇ ਰੰਦਿਆਂ ਦੀ,
ਇਹ ਭਵਸਾਗਰ ਨੂੰ ਕਿੰਝ  ਤਰਨਾ,
ਹੁਣ ਤੂੰਹਿਓ ਕੋਈ ਸੁਰਾਗ ਦੇ...!!!

ਇਥੇ ਪੈਰ ਪੈਰ ਤੇ ਟੋਏ ਨੇ,
ਕਈ ਜਿਉਂਦੇ ਜੀਅ ਲਗਦੇ ਮੋਏ ਨੇ,
ਇੰਨਾ੍ ਜਿਉਂਦੇ ਜੀਅ ਮਰੀਆਂ ਰੂਹਾਂ ਨੂੰ,
ਸੱਲ ਤੇਰੇ ਹੀ ਦਿੱਤੇ ਹੋਏ ਨੇ,
ਇੰਨਾ੍ ਮਰਜੀਵੜਿਆਂ ਨੂੰ ਜੀਵਣ ਦਾ ,
ਹੁਣ ਤੂੰਹਿਓ ਕੋਈ ਸੁਭਾਗ ਦੇ...!!!

ਇਹ ਦੁਨਿਆ ਤਿਲਕਣਬਾਜ਼ੀ ਏ,
ਇਥੇ ਘਰ-ਘਰ ਬੈਠਾ ਕਾਜ਼ੀ ਏ,
ਫ਼ਤਵੇ ਕਾਜ਼ੀ ਦੇ ਮਾਰ ਲਿਆ,
ਕੋਈ ਰੱਬ ਦੀ ਰੂਹ ਨਾ ਰਾਜ਼ੀ ਏ,
ਇੰਨਾ੍ ਰੁਸੀਆਂ ਹੋਈਆਂ ਰੂਹਾਂ ਨੂੰ,
ਖੁਸ਼ੀਆਂ ਭਰਿਆ ਕੋਈ ਰਾਜ਼ ਦੇ...!!!

ਐ ‌ਖ਼ੁਦਾ ਪਰਵਾਜ਼ ਦੇ,
ਉੱਚੀ ਜਿਹੀ ਆਵਾਜ਼ ਦੇ,
ਆਸਮਾਨ ਨੂੰ ਛੂਹ ਲਵਾਂ ,
ਐਸਾ ਕੋਈ ਆਗ਼ਾਜ਼ ਦੇ ...!!!

**********************

vary nice ji

Bahut sohni poetry aa ji...keep the spirit up...God bless...

Awesome..!! No words

Behtreen rawangi..

kaabil -e- tareef..!!! great job..!!

ਇਹ ਦੁਨਿਆ ਤਿਲਕਣਬਾਜ਼ੀ ਏ,
ਇਥੇ ਘਰ-ਘਰ ਬੈਠਾ ਕਾਜ਼ੀ ਏ,
ਫ਼ਤਵੇ ਕਾਜ਼ੀ ਦੇ ਮਾਰ ਲਿਆ,
ਕੋਈ ਰੱਬ ਦੀ ਰੂਹ ਨਾ ਰਾਜ਼ੀ ਏ,
ਇੰਨਾ੍ ਰੁਸੀਆਂ ਹੋਈਆਂ ਰੂਹਾਂ ਨੂੰ,
ਖੁਸ਼ੀਆਂ ਭਰਿਆ ਕੋਈ ਰਾਜ਼ ਦੇ...!!!

great..!!