|
ਕਹਿ ਜਾਵੀਂ ਆਖਿਰੀ ਵਾਰ ’ਯਾਰਾ’ |
ਤੇਰੀਆਂ ਯਾਦਾਂ ਦੀ ਰੇਤ ਕਿਰ ਰਹੀ ਏ ਮੁੱਠੀ ਚੋਂ ਕਿਣਕਾ-੨ ਕਰ ਕੇ,
ਹਰ ਸਾਹ ਨਾਲ ਜਿੰਦ ਦੇ ਦੀਵੇ ਵਾਲਾ ਤੇਲ ਮੁੱਕ ਰਿਹਾ ਸੜ ਕੇ,
ਹਰ ਰੋਜ਼ ਮੱਧਮ ਹੋ ਰਹੀ ਏ ਜ਼ਿੰਦਗੀ ਦੇ ਚਿਰਾਗ ਵਾਲੀ ਲੋਅ,
ਹਰ ਰੋਜ਼ ਤੇਰੀ ਯਾਦ ਵਾਲੀ ਕੰਜਰੀ ਨੱਚਦੀ ਏ ਸੀਨੇ ਚੜ ਕੇ,
ਯਾਰ ਕਹਿੰਦੇ ਨੇ ਛੱਡ ਪਰੇ ਕਿਓਂ ਅੱਜ ਤੱਕ ਯਾਦ ਕਰ ਕੇ ਰੋ ਰਿਹਾ ਏਂ,
ਓਹ ਕੀ ਜਾਣਨ ਯਾਦ ਤੇਰੀ ਦਾ ਨਸ਼ਾ ਤਾਂ ਛੁੱਟੇਗਾ ਹੁਣ ਬੱਸ ਮਰ ਕੇ,
ਇਹ ਨਹੀਂ ਕਿ ਅੱਗੇ ਵਧਣ ਦੀ ਕੋਸ਼ਿਸ਼ ਨਹੀਂ ਕੀਤੀ ਮੈਂ,
ਕਿਉਂਕਿ ਤੂੰ ਕਿਹਾ ਸੀ ਮੰਜ਼ਿਲ ਨਹੀਂ ਮਿਲਦੀ ਇੱਕ ਥਾਵੇਂ ਖੜ ਕੇ,
ਪਰ ਪਤਾ ਨਹੀਂ ਕਿਉਂ ਅੱਗੇ ਵਧ ਨਹੀਂ ਹੋਇਆ ਇਕੱਲੇ ਤੋਂ,
ਅੱਜ ਵੀ ਤੇਰੀ ਉਡੀਕ ਹੈ "ਬਰਾੜ" ਨੂੰ ਕਿ ਅੱਗੇ ਲਿਜਾਵੇਂਗੀ ਤੂੰ ਉਂਗਲ ਫ਼ੜ ਕੇ,
ਸੋਚਿਆ ਸੀ ਬੜੇ ਯਾਰ ਨੇ ਮੇਰੇ ਤੇ ਬੜੇ ਨੇ ਚਾਹੁਣ ਵਾਲੇ,
ਫ਼ਿਰ ਦੱਸ ਯਾਰਾ ਤੇਰੀ ਘਾਟ ਕਿਓਂ ਅੱਜ ਵੀ ਸੀਨੇ ਰੜਕੇ,
ਜਿਸ ਗਮਾਂ ਦੇ ਖੂਹ ਵਿੱਚੋਂ ਤੇਰੀ ਯਾਰੀ ਨੇ ਕੱਢਿਆ ਸੀ,
ਤੇਰੀ ਯਾਦ ਅੱਜ ਖੜੀ ਫ਼ਿਰ ਉਸ ਖੂਹ ਦੀ ਹਲਟੀ ਫ਼ੜ ਕੇ,
ਚੱਲ ਗਲਤੀ ਮੇਰੀ ਸੀ ਸੋ ਮੈ ਗਿਲਾ ਨਹੀਂ ਕਰਾਂਗਾ ਕੋਈ,
ਪਰ ਇੱਕ ਅਹਿਸਾਨ ਕਰ ਦੇਵੀਂ ਜੇ ਵਕਤ ਹੋਇਆ
ਕਹਿ ਜਾਵੀਂ ਆਖਿਰੀ ਵਾਰ ’ਯਾਰਾ’ ਕਬਰ ਮੇਰੀ ਤੇ ਦੋ ਫ਼ੁੱਲ ਧਰ ਕੇ., ,
Brar Malke
|
|
01 Dec 2009
|