ਜਦ ਵਰ੍ਦੀਆਂ ਨੇ ਸਵਾਂਤੀ ਬੂੰਦਾਂ
ਤਦ ਸਾਧਨਾ ਦੇ ਜਲ ਨਾਲ ਸਿੰਜੀ
ਸੱਜਲ ਹੋਈ ਧਰਤੀ
ਅੰਗੀਕਾਰ ਕਰਦੀ ਹੈ
ਕੁਝ ਨਵ ਬੀਜਾਂ ਨੂੰ !!!

ਵਰਿਆਂ ਬੱਧੀਂ ਸੁਣੀ ਜਾਂਦੀ ਹੈ ਜਦ
ਅਸਕਤ ਮਿੱਟੀ ਦੀ ਪੁਕਾਰ
ਤਦ ਸਮਾਜ ਦੇ ਕਰੱਖਤ ਸੀਨੇ 
ਪੁੰਗਰਦੇ ਨੇ ਕੁਝ ਇਨਕਲਾਬੀ ਬੀਜ
ਸ਼ਹੀਦਾਂ ਦੇ ਖੂਨ ਨਾਲ ਸਿੰਜੇ
ਭਾਵਨਾ ਦੀ ਖਾਦ ਨਾਲ ਲੱਸੇ
ਸਮੇਂ ਦੀਆਂ ਅਦਾਵਤਾਂ ਸਹਿ ਸਹਿ 
ਬਣਦੇ ਨੇ
ਤੇਜਸਵੀ ਬੂਟੇ !!


ਮਿੱਟੀ ਵਿੱਚ ਛਿਪੀ 
ਕੁਰਬਾਨੀ ਦੀ ਸੁਗੰਧ 
ਜਦ ਪੱਤਿਆਂ ਵਿੱਚ ਫੈਲਦੀ ਹੈ
ਤਦ ਬਿਰਛ ਜਾਪਦਾ ਹੈ
ਮਿੱਟੀ ਦਾ ਵਧਿਆ ਹੱਥ
ਆਸਮਾਨ ਵੱਲ....
ਕਰਦਾ ਹੈ ਤਮੰਨਾ ਪੂਰੀ ਮਿੱਟੀ ਦੀ
ਆਸਮਾਨ ਚੁੰਮਣ ਦੀ...
'ਤੇ ਫਿਰ ਕੁਲ ਆਲਮ ਕੰਨ ਬਣਕੇ
ਸੁਣਦਾ ਹੈ ਤੀਹਰਾ ਸੰਵਾਦ
ਮਿੱਟੀ ,ਰੁੱਖ ਤੇ ਪਰਿੰਦਿਆਂ ਦਾ !!!!!!!
!!!!!

ਕਦੇ ਦੁੱਖ, ਕਦੇ ਸੁੱਖ
ਕਦੇ ਰਾਗ ਕਦੇ ਵਿਰਾਗ ਵਿੱਚ
ਜਦ ਅੰਤਰੀ ਭਾਵ
ਬਣਦੇ ਨੇ ਮਸਤ ਤਰੰਗਾਂ
ਤਦ ਸੋਹਣੀ ਰੁੱਤੇ
ਗੁਣਗੁਣਾਉਂਦੇ ਹਨ ਬਿਰਛ
ਧੁਨੀਆਂ ਦੇ ਗੀਤ ..

bht wdiya ji..keep it up..

very nice .........keep writing n sharing

shukriya sathi jeo !!

Bahut wadhiya 22 g keep posting. Good one