ਹਰਮੇਲ ਪਰੀਤ
ਨਿੱਤ ਪੀਕੇ ਘਰ ਵੜਦੈਂ ਵੇ, ਫਿਰ ਬਿਨਾਂ ਗੱਲ ਤੋਂ ਲੜਦੈਂ ਵੇ,
ਏਹੋ ਤੇਰਾ ਹਾਲ ਰਿਹਾ ਜੇ, ਹੋਣਾ ਨਹੀਂ ਗੁਜ਼ਾਰਾ...
ਮੈਂ ਪੇਕੀਂ ਤੁਰਜੂੰਗੀ ਜੇ ਪੀਣੋਂ ਹਟਿਆ ਨਾ ਸਰਦਾਰਾ।।।
ਚਾਵਾਂ ਦੇ ਨਾਲ ਮਾਪਿਆਂ ੍ਰਮੈਨੂੰ, ਤੇਰੇ ਲੜ ਆਇਆ ਸੀ,
ਦੇ ਕੇ ਹੱਥ ਡੋਰ ਤੇਰੇ ਵਿਚ ਆਪਣਾ ਫਰਜ਼ ਨਿਭਾਇਆ ਸੀ,
ਕੀ ਪਤਾ ਸੀ ਪੱਲੇ ਮੇਰੇ, ਤੂੰ ਪਾਵੇਂਗਾ ਦੁੱਖ ਭਾਰਾ...
ਮੈਂ ਪੇਕੀਂ ਤੁਰਜੂੰਗੀ ਜੇ ਪੀਣੋਂ ਹਟਿਆ ਨਾ ਸਰਦਾਰਾ।।।
ਵੱਟੀ ਰਖਦਾ ਘੂਰੀ ਕਦੇ ਨਾਲ ਮੇਰੇ ਤੂੰ ਹੱਸਿਆ ਨਹੀਂ
ਹੋਈ ਤੰਗ ਬਥੇਰਾ ਪਰ ਮਾਪਿਆਂ ਨੂੰ ਜਾ ਦੱਸਿਆ ਨਹੀਂ
ਨੈਣਾਂ ਥਾਈਂ ਚਿਹਰੇ ਦਾ ਨੂਰ ਚੋਗਿਆ ਸਾਰਾ...
ਮੈਂ ਪੇਕੀਂ ਤੁਰਜੂੰਗੀ ਜੇ ਪੀਣੋਂ ਹਟਿਆ ਨਾ ਸਰਦਾਰਾ।।
ਪੀਂਦੇ ਨੇ ਨਾਲ ਜੋ ਬਹਿਕੇ ਯਾਰ ਜੁੰਡੀ ਦੇ ਤੇਰੇ ਵੇ,
ਭੁੱਖੇ ਬਘਿਆੜਾਂ ਵਾਂਗੂੰ ਵੱਲ ਝਾਕਦੇ ਮੇਰੇ ਵੇ,
ਮੰਨੀ ਨਾ ਜੇ ਗੱਲ ਮੇਰੀ ਤੂੰ ਖਾਵੇਂਗਾ ਕਸਾਰਾ...
ਮੈਂ ਪੇਕੀਂ ਤੁਰਜੂੰਗੀ ਜੇ ਪੀਣੋਂ ਹਟਿਆ ਨਾ ਸਰਦਾਰਾ।।
ਬੋਲੇਂ ਬੋਲ ਕੁਬੋਲ ਵੈਰੀਆ ਨਾਲੇ ਮਾਰੇਂ ਕੁੱਟੇਂ ਵੇ,
ਮੇਰੀ ਜ਼ਿੰਦਗੀ ਨਰਕ ਬਣਾਕੇ ਆਪ ਤੂੰ ਮੌਜ਼ਾਂ ਲੁੱਟੇ ਵੇ,
ਦਿਲ ਮਰਨੇ ਨੂੰ ਕਿੰਨਾ ਚਿਰ ਲਾਵਾਂ ਝੂਠਾ ਲਾਰਾ...
ਮੈਂ ਪੇਕੀਂ ਤੁਰਜੂੰਗੀ ਜੇ ਪੀਣੋਂ ਹਟਿਆ ਨਾ ਸਰਦਾਰਾ।।
ਜਾਣ ਬੁੱਝਕੇ ਕਰਦਾ ਏਂ ਕਿਉਂ ਕਿਸਮਤ ਦਾ ੇਖੇਲ ਕਹਾਂ,
ਗੱਲ ਆਖਰੀ ਕਹਿ ਦਿੱਤੀ ਕੀ ਹੋਰ ਤੈਨੂੰ ਹਰਮੇਲ ਕਹਾਂ,
ਮੈਂ ਨਾ ਮੁੜਕੇ ਲੱਭਣੀ ਵੇ ਟੋਲੇਂਗਾ ਜੱਗ ਸਾਰਾ...
ਮੈਂ ਪੇਕੀਂ ਤੁਰਜੂੰਗੀ ਜੇ ਪੀਣੋਂ ਹਟਿਆ ਨਾ ਸਰਦਾਰਾ।।
|
bht vdiya ji..
