اس ویلے دنیا وچّ کیول تنّ چار وچترواد لہر دے لکھاری ہن، جنہاں وچّ میں وی شامل ہاں۔ میتھوں الاواں مدثر بشیر ہے جس دا ناول کون نوں وچترواد ناول منیا جاندا ہے۔ پھر پرگٹ سنگھ ستوج ہے جس دا ناول خبر اک پنڈ دی نوں وی وچترواد سمجھیا جاندا ہے۔ ایہناں توں بغیر میرے ناول او، سمرائی اتے آؤن والا ناول، چٹا تے کالا وچترواد ہن اتے کہانیاں دی کتاب، بھرنڈ وی ایہناں وچّ گن سکدے ہن۔ میرا غنڈہ ناول اتے نیلا نور وی، عامَ ناول ہن۔ پر ایہناں وچّ وی کجھ خسوسیئتاں ہن جو وچترواد اتے پنجابی واسطے نویاں تکنیکاں ہن۔ پھیر تاں ہور لکھاری وی ہن جنہاں دے لیکھ نواں ڈھنگ جاں طریقے ورتدے ہن۔ اس حساب نال تاں وچتوادیاں وچّ فوزیہ رفیق نوں وی شریک کرنا پویگا، جس دا ناول سکینہ لاجواب ہے نالے سارے سائنس گلپ لکھن والیاں نوں وی۔ خاص کٹ اوہناں نوں شامل کرنا پینا جو پنجابی ساہت جاں ویاکرن نوں نویں روپ دے رِہے ہن۔ خاص اوہ لکھاری جو واک بنتر نوں بدلن جاں سودھن تیار ہن۔ نالے جہڑے پنجاب توں باہر ہور بولیاں وچّ پالے ہن، اوہناں دی پنجابی ویاکرن اتے اثر تاں پیندا جس نال اوہناں دی بولی تبدیل ہو رہی ہے۔ ہن پنجابی دا اک روپ نہیں رہا پر دہاکے توں دہاکے، ملک توں ملک، راون دے سیساں توں زیادے روپ ہون لگّ پئے۔