ਦਾਣਾ ਮੰਡੀ ਪਿੰਡ ਦੀ ਸਕੂਲ ਸਾਡੇ ਕੋਲ ਜੀ
ਕਣਕਾਂ ਦੇ  ਲਾਉਂਦੇ  ਜਿਥੇ ਜੱਟ ਬੋਹਲ ਜੀ

ਨਾਂ ਚੰਗੇ ਮੁੱਲ ਫਸਲਾਂ ਦੇ ਦਿੱਤੇ ਸਰਕਾਰ ਨੇ
ਮਾਰ ਦਿੱਤਾ ਜੱਟ ਨੂੰ ਤਾਂ ਕਰਜ਼ੇ ਦੀ ਮਾਰ ਨੇ

ਜਦੋਂ ਕਿਤੇ ਟਾਈਮ ਨਾਲ ਵਢ ਲਈਏ ਫਸਲਾਂ
ਫਿਰ ਰੁਲਦੀਆਂ ਮੰਦੀਆਂ 'ਚ ਕਿਹੜਾ ਇੱਕ ਮਸਲਾ

ਕਦੇ  ਸੋਕਾ ਕਦੇ  ਹੜ੍ਹ ਨਿੱਤ ਆਫਤਾਂ ਨੇ ਨਵੀਆਂ
ਝੋਨੇ ਵਿੱਚ ਨਮੀਂ ਜਿਆਦਾ ਬਾਬੂ ਕੱਢਦੇ ਨੇ ਕਮੀਆਂ

ਵੋਟਾਂ ਲੈ ਕੇ ਗਏ ਜਿਹੜੇ ਚੰਡੀਗੜ੍ਹ ਬਹਿ ਗਏ
ਜੱਟ ਮੰਡੀਆਂ ਦੇ ਵਿੱਚ ਹੀ ਰੁਲਣ ਜੋਗੇ ਰਹਿ ਗਏ

ਜਿਹੜੇ ਅੰਨਦਾਤਾ ਕਹਿੰਦੇ ਸੀ ਅਲੋਪ ਕਿਥੇ ਹੋ ਗਏ
ਓਹ ਲਭਣੇ ਨਾਂ ਹੁਣ ਨੀਂਦ ਪੰਜ ਸਾਲੀਂ ਸੋਂ ਗਏ

ਵੇਚ ਕੇ ਟਰੈਕਟਰ  ਨੂੰ  ਵਿਆਉਂਦਾ ਧੀ ਰਾਣੀ ਐਂ
ਇੱਕ ਨਹੀਓਂ ਜੱਟ ਇਹ ਤਾਂ ਹਰ ਜੱਟ ਦੀ ਕਹਾਣੀ ਐਂ

ਕਾਗਜਾਂ ਤੇ ਲੱਗੇ ਗੂਠੇ ਜਦੋਂ ਗਲ ਗੂਠੇ ਧਰਦੇ
ਪੁਛਦੀਆਂ ਸਰਕਾਰਾਂ ਜੱਟ ਖੁਦਕ੍ਸੀਆਂ ਕਿਓਂ ਕਰਦੇ ?

( ਆਪਣੇ ਪਿੰਡ ਤੇ ਲੰਬੀ ਕਵਿਤਾ ਵਿਚੋਂ ....)

--------------- ਅਮਨ ਫੱਲੜ --------------

# ਦੋਸਤੋ ਇਹ ਇਕੇੱਲੇ ਮੇਰੇ ਪਿੰਡ ਦੀ ਕਹਾਣੀ ਨਹੀਂ, ਇਹ ਓਹਨਾ ਲੱਖਾਂ ਜੱਟਾਂ ਦੀ ਕਹਾਣੀ ਹੈ ਜਿਹੜੇ ਪਹਿਲਾਂ ਆਪਣੀ ਜਮੀਨ ਤੇ ਲੋਨ ਲੈ ਕੇ ਟਰੈਕਟਰ ਖਰੀਦਦੇ ਨੇ ਤੇ ਫੇਰ ਉਸੇ ਟਰੈਕਟਰ ਨੂੰ ਵੇਚ ਕੇ ਆਪਣੀ ਧੀ ਦਾ ਵਿਆਹ ਕਰਦੇ ਨੇ | ਜਦੋਂ ਬੈੰਕ ਵਾਲੇ ਜਮੀਨ ਦੀ ਕੁਰਕੀ ਕਰਨ ਦੀ ਧਮਕੀ ਦਿੰਦੇ ਨੇ ਤਾਂ ਵਿਚਾਰਾ ਜੱਟ ਬੇਇਜਤੀ ਤੋਂ ਡਰਦਾ ਕਦੇ ਸਪਰੇਅ ਪੀ ਕੇ ਕਦੇ ਸਲਫਾਸ ਦੀਆਂ ਗੋਲੀਆਂ ਖਾ ਕੇ ਆਪਣੀ ਜੀਵਨ ਲੀਲਾ ਦਾ ਅੰਤ ਕੇਰ ਲੈਂਦਾ ਹੈ |

ਸਰਕਾਰਾਂ ਸਰਵੇ ਕਰਵਾ ਰਹੀਆਂ ਨੇ ਕਿ ਪਤਾ ਕਰੋ ਜੱਟ ਖੁਦਕ੍ਸੀਆਂ ਕਿਓਂ ਕਰ ਰਹੇ ਨੇ ?
ਕੀ ਇਹਨਾ ਨੂੰ ਅਸਲ ਸਚਾਈ ਨਹੀਂ ਪਤਾ ??
ਕਿ ਇਹ ਲੋਕ ਸਿਰਫ ਵੋਟਾਂ ਲੈਣ ਹੀ ਆਉਂਦੇ ਨੇ ???
ਕੀ ਇਹਨਾ ਨੂੰ ਜੱਟਾਂ ਦੀ ਮਾਲੀ ਹਾਲਤ ਦਾ ਅੰਦਾਜਾ ਨਹੀਂ ????

ਬਹੁਤ ਵਧੀਆ ਵੀਰ...

ਬਹੁਤ ਸੋਹਣਾਂ ਬਿਆਨ ਕੀਤਾ ਹੈ ਬਾਈ ਜੀ...ਸੋਹਣਾਂ ਲਿਖਿਆ...

ਅੰਤ ਵਿੱਛ ਬਹੁਤ ਵੱਡਾ ਸਵਾਲ ਖੜਾ ਕੀਤਾ ਹੈ ਤੁਸੀ....ਖੌਰੇ ਕਦੋਂ ਜਾਗਣਗੀਆਂ ਸਰਕਾਰਾਂ ਇਹ ਸੋਚਿਆਂ ਤਾਂ ਨਹੀਂ ਸਰਨਾਂ...ਕੁੱਛ ਹੰਭਲਾ ਤਾ ਰਲ ਕੇ ਆਪਾਂ ਨੂੰ ਹੀ ਮਾਰਨਾਂ ਪੈਣਾਂ ਏਂ..ਸਰਕਾਰਮ ਵੀ ਉਦੋਂ ਤੱਕ ਮਨਮਾਨੀ ਕਰਦੀਆਂ ਜਦੋਂ ਤੱਕ ਲੋਕ ਸੁੱਤੇ ਹੁੰਦੇ ਆ ਤੇ ਜਦੋਂ ਲੋਕ ਨੀਂਦ ਚੋ ਜਾਗਦੇ ਾ ਤਾਂ ਇਹੀ ਸਰਕਾਰਾਂ ਰੇਤੇ ਦੀਆਂ ਕੰਧਾਂ ਵਾਂਗ ਢਹਿ-ਢੇਰੀ ਹੋ ਜਾਂਦੀਂ ਨੇ.....

ਬਹੁਤ ਵਧੀਆ ਲਿਖਤ ਵੀਰ...

rabb sanu panja saala ch ik waar jarur maukha dinda hai ki apni sarkaar chun lao,,,,, jo tuade layi kam kare na ke apne pariwar layi,,,,

bus ohi ek time hai ohna leadera nu takhata ton laun ,,,, hor sade kol koi chara nahi,,,,

baki jatt di malli hallat da karan ik tan os da bholapann ,,,, te kujh ko nasamagi hai te cheti dojeya te bharosa karna hai,,,, i mean to pvt.,fncl. companies etc de utte cheti bharosa karna

ਜਦੋਂ ਤੱਕ ਸਹੀ ਮਾਇਨੇ ਵਿਚ ਲੋਕਾਂ ਦਾ ਰਾਜ ਨਹੀਂ ਆਉਂਦਾ ਤਦ ਤੱਕ ਭਾਵੇਂ ਕਿਸੇ ਪਾਰਟੀ ਦੀ ਸਰਕਾਰ ਕਿਓਂ ਨਾਂ ਹੋਵੇ,,,ਓਹ ਆਮ ਲੋਕਾਂ ਦੀ ਭਲਾਈ ਨਹੀਂ ਕਰੇਗੀ,,,

kisaan di tarasjog haalat nu tusi bade sohne tarike naal kamlambadh keeta hai aman veer...likhde raho