ਵਕਤ ਖਿਡਾਰੀ

ਰਮਜ਼ ਨਾ ਆਵੇ ਸਮਝ

ਵਕਤ ਜਦ ਚਲਦਾ ਚਾਲ,

ਸਿਤਮਗਰ ਇਸਦੀ ਤਸ਼ਦੁੱਦ

ਆਫ਼ਰੀਨ ਇਸਦਾ ਜਮਾਲ |

ਕਿੱਥੇ ਤੁਰ ਗਿਆ ਸਮਾਂ

ਉਹ ਮਾਰ ਉਡਾਰੀ?

ਜਦ ਵਿੰਡੋ ਨੂੰ ਕਹਿੰਦੇ ਸੀ

ਕਮਰੇ ਦੀ ਬਾਰੀ |

ਕੀ-ਬੋਰਡ ਸੀ ਪਿਆਨੋ -

ਮਿਊਜ਼ਿਕ ਦਾ ਸਾਜ਼,

ਮਾਉਸ ਹੁੰਦਾ ਸੀ ਚੂਹਾ

ਕੁਤਰੂ ਜਾਂਬਾਜ਼ |

ਫ਼ਾਈਲ ਜਦੋਂ ਮਿਸਲ ਸੀ

ਦਫ਼ਤਰ ਦੇ ਕਾਰੀ,

ਹਾਰਡ ਡਰਾਈਵ ਸੀ

ਟੁੱਟੀ ਸੜਕੇ ਹੋਈ ਖੁਆਰੀ |

ਕੱਟ ਹੋਇਆ ਕਰਦਾ ਸੀ

ਨਾਈਫ਼ ਦੀ ਚਾਲ,

ਪੇਸਟ ਵੀ ਕਰਦੇ ਸੀ

ਗੂੰਦ ਤੇ ਲੇਟੀ ਨਾਲ |

ਵੈੱਬ ਜਦੋਂ ਇਕ ਹੁੰਦਾ ਸੀ

ਮਕੜੀ ਦਾ ਜਾਲਾ,

ਤੇ ਵਾਇਰਸ ਸੀ ਫ਼ਲੂ

ਠੰਢ ਨਾਲ ਛਿੱਕਾਂ ਵਾਲਾ |

ਉਦੋਂ ਐਪਲ ਤੇ ਬਲੈਕਬੈਰੀ

ਹੁੰਦੇ ਸੀ ਫਲ,

ਯਾਰਾਂ ਤੇ ਪਰਿਵਾਰਾਂ ਲਈ

ਸੀ ਜੀਵਨ ਦਾ ਹਰ ਪਲ |

ਜਗਜੀਤ ਸਿੰਘ ਜੱਗੀ

ਨੋਟ: ਸਿਤਮਗਰ – ਬੇਰਹਮ; ਤਸ਼ਦੁੱਦ – ਕਸ਼ਟ ਦੇਣ ਵਾਲਾ ਵਿਉਹਾਰ, Violence OR Adversity; ਆਫ਼ਰੀਨ – Delightful (ਆਨੰਦਮਈ) and elegant (ਸ਼ਾਨਦਾਰ); ਜਮਾਲ – ਸੁਖਾਵੇਂ ਵਕਤ ਦੀ ਸੁੰਦਰਤਾ; ਵਿੰਡੋ – MS Window ਆਪਰੇਟਿੰਗ ਸਿਸਟਮ; ਕੀ-ਬੋਰਡ / ਮਾਉਸ – Data input devices; ਕੁਤਰੂ ਜਾਂਬਾਜ਼ – A rodent adept at nibbling; ਫ਼ਾਈਲ – A soft data file; ਮਿਸਲ ਸੀ ਦਫ਼ਤਰ ਦੇ ਕਾਰੀ – ਫ਼ਾਈਲ ਦਫ਼ਤਰ ਦੇ ਕੰਮ ਦੀ ਵਸਤ ਸੀ; ਹਾਰਡ ਡਰਾਈਵ – Data Storage Device; ਕਟ – Cut is an MS Word Command for removing/moving text from a location; ਪੇਸਟ – Paste is an MS Word Command for putting the cut (selected) text on a desired location; ਗੂੰਦ – ਕਿੱਕਰ ਆਦਿ ਤੋਂ ਪ੍ਰਾਪਤ ਹੋਣ ਵਾਲਾ ਗੋਂਦ ਜਾਂ ਚਿਪਕਾਉਣ ਵਾਲਾ ਪਦਾਰਥ; ਲੇਟੀ – ਕਿਤਾਬ ਜੋੜਨ ਲਈ ਬਣਾਈ ਗਈ ਮੈਦੇ ਦੀ ਲੇਵੀ; ਵੈੱਬ – The World Wide Web (www) is the part of the internet that contains websites and webpages; ਵਾਇਰਸ – A malicious code or program that alters the way a computer operates; ਫ਼ਲੂ – Influenza; ਐਪਲ – Apple is a reputed HW & SW company known for its series of personal computers, Laptops, the iPod etc.; ਬਲੈਕਬੈਰੀ (BlackBerry) – A line of smart phones.

ਕਿਰਤ ਤੇ ਨਜ਼ਰਸਾਨੀ ਕਰਨ ਲਈ ਬਹੁਤ ਬਹੁਤ ਸ਼ੁਕਰੀਆ ਅੰਮੀ ਬਾਈ,

ਗੇੜਾ ਮਾਰਦੇ ਰਿਹਾ ਕਰੋ ਜੀ, ਰੌਣਕ ਲੱਗੀ ਰਹਿੰਦੀ ਹੈ ਫ਼ੋਰਮ ਤੇ |

ਧੰਨਵਾਦ ! ਜਿਉਂਦੇ ਵੱਸਦੇ ਰਹੋ |