|
ਮੇਰੇ ਦੇਸ਼ ਦੀ ਔਰਤ
ਕਿੰਨੀ 'ਮਹਾਨ' ਹੈ !
ਲੱਛਮੀ ਅੱਜ ਵੀ,
ਰੋਜ਼ ਵਾਂਗ
ਸੁਵੱਖਤੇ ੳੁੱਠ ਜਾਵੇਗੀ
ਤੇ ਅਾਪਣੇ ਪਤੀ ਕਰਤਾਰੇ
ਅਤੇ ਸਕੂਲੋਂ ਹਟਾੲੀਅਾਂ,
ਦੋਵੇਂ ਧੀਅਾਂ ਨਾਲ਼
ਸਰਦਾਰਾਂ ਦੀ ਹਵੇਲੀ
ਗੋਹਾ-ਕੂੜਾ ਸੁੱਟਣ ਜਾਵੇਗੀ,
ਜਿੱਥੇ ਸਰਦਾਰਨੀ
ੳੁਸਦੇ ਸਾਹਮਣੇ
ਕੁਰਸੀ 'ਤੇ ਬਹਿ,
ਅਾਪਣਾ ਦੁੱਖ-ਸੁੱਖ ਫਰੋਲੇਗੀ।
ਸ਼ਰਾਬੀ ਸਰਦਾਰ ਦੀਅਾਂ
'ਖਰਾਬ' ਅਾਦਤਾਂ ਤੇ ਝੂਰਦੀ
ਮਰ ਜਾਣ ਦੀਅਾਂ ਗੱਲਾਂ ਕਰੇਗੀ ।
ਬਿਮਲਾ ਅੱਜ ਵੀ
ਅਾਪਣੇ ਬਾਲ ਨੂੰ ਪਿੱਠ ਨਾਲ਼ ਬੰਨ੍ਹ
ਟੋਕਰੀ ਚੁੱਕੀ
ਸੜਕ 'ਤੇ ਰੋੜੀ ਪਾੳੁਂਦੀ ਮਿਲੇਗੀ -
ਜਿੱਥੇ ਨਿੱਤ ਵਾਂਗ,
ਮੁੱਛਾਂ ਨੂੰ ਵੱਟ ਦੇਂਦਾ ਠੇਕੇਦਾਰ,
ੳੁਸਨੂੰ ਫਾਰਮ ਹਾੳੂਸ ਤੇ ਅਾ ਕੇ
ਨਿਅਾਣਿਅਾਂ ਜੋਗੀਅਾਂ
ਛੱਲੀਅਾਂ ਲਿਜਾਣ ਲੲੀ ਅਾਖੇਗਾ, ਤੇ
'ਬੱਸ ਠੇਕੇਦਾਰਾ, ਜਿੳੁਂਦਾ ਰਹਿ ' ਅਾਖ
ਬਿਮਲਾ ੳੁਸ ਦੇ ੲਿਰਾਦਿਅਾਂ 'ਤੇ
ਪਾਣੀ ਫੇਰ ਦੇਵੇਗੀ ।
ਪਿੰਕੀ, ਬਾਲਾ ਤੇ ਪੂਜਾ ਹੋਰੀਂ ਅੱਜ ਵੀ
ਲਾਲ ਬੱਤੀ ੲੇਰੀੲੇ ਦੀਅਾਂ
ਖਿੜਕੀਅਾਂ ਵਿੱਚ ਬਹਿ ਕੇ
ਅੰਦਰੋਂ-ਅੰਦਰੀਂ ਤਾਂ ਕੁਰਲਾੳੁਣਗੀਅਾਂ
ਪਰ ਬਾਹਰੋਂ ਗੂੜ੍ਹਾ ਮੇਕਅੱਪ ਕਰਕੇ,
ਗਾਹਕਾਂ ਨੂੰ ਖ਼ੁਸ਼ ਕਰਦੀਅਾਂ
ਨਜ਼ਰ ਅਾੳੁਣਗੀਅਾਂ ।
ੲਿਸ ਸਭ ਕਾਸੇ ਤੋਂ ਦੂਰ
ੲਿਸ ਵਰ੍ਹੇ ਵੀ
ਅੌਰਤ ਦਿਵਸ 'ਤੇ
ਵਿਸ਼ੇਸ਼ ਪ੍ਰੋਗਰਾਮ ਹੋਣਗੇ -
ਪੰਜ ਤਾਰਾ ਹੋਟਲਾਂ ਦੇ
ਕਾਨਫਰੰਸ ਹਾਲਾਂ ਵਿੱਚ
ਮਹਿਫਲਾਂ ਜੁੜਨਗੀਅਾਂ,
ੲਿਲੀਟ ਕਲਾਸ ਦੀਅਾਂ ਮਾਡਰਨ ਅੌਰਤਾਂ
ਮੁੱਖ ਮਹਿਮਾਨ ਬਣਨਗੀਅਾਂ,
ਜਾਮ ਟਕਰਾੲੇ ਜਾਣਗੇ,
ਅੌਰਤ ਦੀ ਅਾਜ਼ਾਦੀ ਅਤੇ ਬਰਾਬਰੀ ਦੇ
ਭਾਸ਼ਨ ਦਿੱਤੇ ਜਾਣਗੇ,
ਨਵੇਂ ਕਾਨੂੰਨਾਂ ਦੀ ਮੰਗ ਕੀਤੀ ਜਾਵੇਗੀ,
ਪਿਛਲੇ ਸਾਲਾਂ ਦੇ ਬੇਹੇ ਭਾਸ਼ਣ
ਰੀ-ਫਰੈਸ਼ ਕਰਕੇ
ਅਖਬਾਰਾਂ ਨੂੰ ਭੇਜੇ ਜਾਣਗੇ ।
ਮੱਧ-ਵਰਗੀ ਜਮਾਤ
ਸਰਕਾਰੀ ਛੁੱਟੀ ਨਾਲ਼ ਪਰਚੀ ਰਹੇਗੀ
ਤੇ ਬਾਕੀ ਸਭ
ਅਾਮ ਵਾਂਗ ਚਲਦਾ ਰਹੇਗਾ।
(ਅੌਰਤ ਦਿਵਸ ਤੇ : ਬਲਜੀਤ ਮਲਹਾਂਸ)
|
