ਜੇ ਬੂਟੇ ਤੇ ਬੋਹੜ ਵਿੱਚ ਫ਼ਰਕ ਜਾਣਦਾ ਏਂ
ਤਾਂ ਮੇਰੀਆਂ ਜੜ੍ਹਾਂ ਨਾਲ ਪੰਗੇ ਲੈਣੇ ਬੰਦ ਕਰਦੇ ~

ਮੈਂ ਵਹਿਮਾਂ ਦਾ ਸ਼ਹਿਰ ਹਾਂ, ਮੇਰੇ ਰੂਪ ਨਿਆਰੇ ਦੇਖੋਗੇ,

ਵਸ ਵਸ ਕੇ ਮੈਂ ਉਜੜਾਂਗਾ ਤੇ, ਉਜੜ ਉਜੜ ਕੇ ਵੱਸਾਂਗਾ ~

ਕੰਡਿਆਂ ਵਿਚ ਨਹੀਂ ਉਲਝੀਦਾ, ਨਾ ਫੁੱਲਾਂ 'ਤੇ ਹੱਕ ਧਰੀ ਦਾ,
ਬੱਸ ਹਵਾ ਹੀ ਹੋ ਜਾਈਦਾ, ਇਸ ਦੁਨੀਆਂ 'ਚੋਂ ਗੁਜ਼ਰਨ ਲੱਗਿਆਂ ~

ਮੈਂ ਕਿੱਦਾਂ ਕਿਵੇਂ ਉਜੜਿਆ, ਤੇਰੇ ਵਰਕਿਆਂ ‘ਤੇ ਉਤਾਰਤਾ
ਤੂੰ ਦਿੱਤੀ ਨਾ ਕੋਈ ਹਮਦਰਦੀ, ਤੇ ਉਫ਼ ਕਹਿਕੇ ਸਾਰਤਾ ~

ਤੇਰੇ ਸ਼ਹਿਰ ‘ਚ ਪਿਆਰ ਤੇ ਪਾਬੰਦੀਆਂ
ਤੇ ਫੁੱਲ ਇਥੇ ਖੇਹ ਖਿੜਨੇ ~

ਇਹ ਕਿਤਾਬੀ ਨਹੀਂ ਜਿੰਦਗੀ ਦਾ ਗਣਿਤ ਏ ਜਨਾਬ
ਇਹਦੇ ਚ ਦੋ ਚੋਂ ਇੱਕ ਗਿਆ ਤਾਂ ਕੁਝ ਨਹੀਂ ਬੱਚਦਾ ~

ਰੰਗਾਂ ਵਿੱਚ ਮਿਲਾਂਗੇ
ਲਕੀਰਾਂ ਵਿੱਚ ਮਿਲਾਂਗੇ
ਜੇ ਆਸ਼ਕਾਂ 'ਚ ਮਿਲੇ ਨਾ
ਫਕੀਰਾਂ ਵਿੱਚ ਮਿਲਾਂਗੇ ~

ਉਸ ਵਕਤ ਸੋਚਣਾ ਸੀ ਜਦ ਹੋਇਆ ਸੈਂ ਤੂੰ ਜੁਦਾ
ਹੁਣ ਵਕਤ ਆਖ਼ਰੀ ਹੈ ਨਾ ਰੋ ਰੋ ਹਰਾਮ ਕਰ ~

ਸਮੇਂ ਦੀ ਰੇਤ ਵਿਚ ਲੁਕਿਆ ਰਹਿਣ ਦੇ, ਫੋਲ ਨਾ ਮੈਨੂੰ,
ਮੈਂ ਟੁੱਟ ਚੁੱਕੇ, ਕਿਸੇ ਸ਼ੀਸ਼ੇ ਜਿਹੇ ਰਿਸ਼ਤੇ ਦਾ, ਟੁਕੜਾ ਹਾਂ ~

ਦਰਦ ਦੀ ਸਿਖਰ 'ਤੇ ਹਾਂ, ਡੋਲ ਨਾ ਜਾਈਏ ਕਿਧਰੇ
ਸਾਂਭ ਮੈਨੂੰ, ਐ ਦਿਲਾ ! ਤੇ ਮੈਂ ਸੰਭਾਲਾਂ ਤੈਨੂੰ ~