ਇਹਨਾਂ ਦੇ ਮੈਲੇ ਕੁਚੈਲੇ, ਫਟੇ ਪੁਰਾਣੇ ,
ਵਸਤਰਾਂ ਨੂੰ ਵੇਖਕੇ ਨਫਰਤ ਕਰਨ ਵਾਲਿਉ ,
ਇਹਨਾਂ ਦੀ ਮੈਲ ਚੋਂ ਕਿੰਨੇ ਨੋਟ ਛਾਪੇ ਨੇ,
ਇਹਨਾਂ ਦਾ ਸ਼ੋਸ਼ਣ ਕਰਨ ਵਾਲਿਆਂ ਨੇ ,
ਕਦੇ ਮਹਿਸੂਸ ਕਰਕੇ ਵੇਖਿਉ ,,,,,,,,,,,,,,|
************
ਆਪਣੇ ਬੱਚੇ ਨੂੰ ਬਾਜਾਰ ਚੋਂ ਆਈਸ ਕਰੀਮ ਖੁਵੌਂਦਿਆਂ,
ਸੜਕ ਦੇ ਕੰਡੇ ਖੜਾ ਗਰੀਬ ਬੱਚਾ,
ਕਿੰਨੀਆਂ ਹਸਰਤ ਭਰੀਆਂ ਨਜਰਾਂ ਨਾਲ ਦੇਖਦਾ ਹੈ ,
ਪਤਾ ਨਹੀਂ ਉਸਦੇ ਕਿੰਨੇ ਚਾਓ ਤੇ ਅਰਮਾਨ
ਉਸ ਵਕਤ ਖੁਦਕੁਸ਼ੀ ਕਰ ਜਾਂਦੇ ਨੇ ,
ਜਰਾ ਮਹਿਸੂਸ ਕਰਕੇ ਵੇਖਿਓ ,,,,,,,,,,,,,,,,|
************
ਮਜਦੂਰ ਦੀ ੨੫ ਰੁਪੈ "ਚ ਤਿਆਰ ਕੀਤੀ ਚੀਜ ੧੦੦ ਰੁਪੈ ਦੀ ਵੇਚਕੇ ,
ਮਾਲਕ ੭੫ ਰੁਪੈ ਕਿਸ ਮਿਹਨਤ ਦੇ ਕਮਾ ਰਿਹਾ ਏ,
ਆਟਾ ਦਾਲ ਸਕੀਮਾ ਨਾਲ ਗਰੀਬੀ ਨਹੀਂ ਹਟਣੀ,
ਮੇਰੇ ਦੇਸ਼ ਦੀਓ ਖੁਦਗਰਜ ਸਰਕਾਰੋ ,
ਕੰਮ ਦੇ ਮੌਕੇ ਪੈਦਾ ਕਰੋ ,
ਸਕੀਮਾਂ ਕਰਨ ਨਾਲ ਕੁਝ ਨਹੀਂ ਹੋਣਾ ,
ਕੁਝ ਕਰਕੇ ਵਿਖਾਉਣ ਪੈਣਾ ਏ ,
ਕੁਝ ਦਿਨ ਪਹਿਲਾਂ ਭਾਰਤ ਨੇ ਸ਼੍ਰੀ ਲੰਕਾ ਨੂੰ
ਪੰਜ ਸੌ ਮਹਿੰਦ੍ਰਾ ਟ੍ਰੈਕਟਰ ਦਾਨ ਕਰ ਦਿੱਤੇ ,
ਇਸ ਖਬਰ ਦੇ ਨਾਲ ਇੱਕ ਕਿਸਾਨ ਦੀ ਖੁਦਕੁਸ਼ੀ ਦੀ
ਖਬਰ ਪੜਕੇ ਮਨ ਵਿਚਲਿਤ ਹੋ ਗਿਆ ,
ਹੋਰਾਂ ਦੀ ਮੱਦਦ ਕਰਨਾਂ ਬੁਰੀ ਗੱਲ ਨਹੀਂ ਹੈ ,
ਪਰ ਓਇ ਖੁਦਗਰਜ ਦਾਨੀਓ ,,,,
ਦੁਖੀ ਹੋ ਕੇ ਰੁਖ ਨਾਲ ਲਟਕਣਾ ਕਿੰਨਾ ਔਖਾ ਏ ,
ਜਰਾ ਮਹਿਸੂਸ ਕਰਕੇ ਵੇਖਿਓ ,,,,,,,,,,,,,,,,,,,,|
*************
ਸਾਨੂੰ ਗਾਂਧੀਵਾਦ ਦਾ ਪਾਠ ਪੜਾਉਣ ਵਾਲਿਓ ,
ਕਦੇ ਆਪ ਵੀ ਸਤਿਆਵਾਦੀ ਹਰੀਸ਼ ਚੰਦਰ ਦੇ ਸਿਧਾਂਤਾਂ ਤੇ ਨਿਗਾ ਮਾਰਕੇ ਦੇਖੋ ,
ਕੁਰਸੀ ਦਾ ਫਿਕਰ ਕਰਨ ਵਾਲਿਓ ,
ਜਿਸ ਦਿਨ ਗਰੀਬ ਜਾਗ ਪਿਆ ,
ਉਸ ਦਿਨ ਤੁਹਾਡੇ ਘਰਾਂ ਵਿੱਚ ਸ਼ਮਸ਼ਾਨ ਵਰਗੀ ਚੁੱਪ ਹੋਵੇਗੀ ,,,,,,,,
ਉਸ ਦਿਨ ਨੂੰ ,,,,,,,,,,,,,,,,,
ਜਰਾ ਮਹਿਸੂਸ ਕਰਕੇ ਵੇਖਿਓ ,,,,,,,,,,,,,,,,,,,,,|
**************
ਹਰ ਰੋਜ ਮਰਦੇ ਚਾਓ ਤੇ ਅਰਮਾਨਾ ਨੂੰ ,
ਖੁਦਕੁਸ਼ੀ ਕਰਦੇ ਦੇਖ ,
ਪਤਾ ਨਹੀਂ ਕਿੰਨੇ ਹੀ ਲੋਕ ਹੋਉਂਕਿਆਂ ਨਾਂ ,
ਭਰਦੇ ਨੇ ਪੇਟ ,
"ਮਿੰਦਰਾ" ਕਦੋਂ ਬਰਾਬਰ ਹੋਣਗੇ ,
ਮਜਦੂਰੀ ਤੇ ਕੀਮਤ ਦੇ ਰੇਟ ,
ਇਹਨਾਂ ਪੰਡਤਾਂ ਨੂੰ ਪੁਛੋ ,,,,,,,,,,,,,,,
ਕਿਓਂ ਮਿਟ ਜਾਂਦੀ ਏ ਗਰੀਬਾਂ ਦੇ ਹੱਥਾਂ ਚੋਂ
ਕਿਸਮਤ ਦੀ ਰੇਖ |
@@@@ ਗੁਰਮਿੰਦਰ ਸੈਣੀਆਂ @@@@
|
