ਮਾਹੀ ਵੇ ਤੇਰੇ ਲਾਰਿਆਂ ਦਾ ਕੀ ਕਰੀਏ ਵੇ ਦੱਸ ਕੀ ਕਰੀਏ
ਉਮਰ ਮੁੱਕੀ ਗਿਣਤੀ ਨਾ ਮੁੱਕੀ ਹਾਰਿਆਂ ਦਾ ਕੀ ਕਰੀਏ
ਜਾਨ ਦੇ ਵੈਰੀ ਬਣ ਗਏ ਜਾਨੋ ਪਿਆਰਿਆਂ ਦਾ ਕੀ ਕਰੀਏ

ਮੱਥੇ ਵਿੱਚੋਂ ਹੱਥਾਂ ਉੱਤੋਂ ਘੱਸ ਗਈਆਂ ਲੀਕਾਂ ਦਾ
ਕੰਡੇਦਾਰ ਜੀਭਾਂ ਵਾਲੇ ਚੰਦਰੇ ਸ਼ਰੀਕਾਂ ਦਾ
ਖੂਨ ਵਿੱਚੋਂ ਹੋ ਹੋ ਕੇ ਲੰਘੀਆਂ ਤਰੀਕਾਂ ਦਾ
ਕੀ ਕਰੀਏ ਮਾਹੀ ਵੇ ਦੱਸ ਕੀ ਕਰੀਏ
ਜੀਭ ਤੋਂ ਆਕੇ ਮੁੜ ਜਾਵਣ ਉਹਨਾਂ ਚੀਕਾਂ ਦਾ ਕੀ ਕਰੀਏ
ਹਾਏ ਵੇ ਤੇਰੇ ਲਾਰਿਆਂ ਦਾ ਕੀ ਕਰੀਏ ਵੇ ਦੱਸ ਕੀ ਕਰੀਏ

ਲੈ ਗਏ ਜੋ ਤੈਨੂੰ ਨਾਂ ਲਿਆ ਏ ਉਹਨਾਂ ਰਾਹਵਾਂ ਦਾ
ਹੰਝੂਆਂ ਦਾ ਮੀਂਹ ਚ ਸਲਾਬੇ ਹੋਏ ਚਾਅਵਾਂ ਦਾ
ਖੌਰੇ ਕਦੋਂ ਮੁੱਕ ਜਾਣੇ ਸਰਫੇ ਜਿਹੇ ਸਾਹਵਾਂ ਦਾ
ਕੀ ਕਰੀਏ ਮਾਹੀ ਵੇ ਦੱਸ ਕੀ ਕਰੀਏ
ਹਾਰ ਗਿਆ ਮੁਰਝਾ ਗੋਰੀਆਂ ਬਾਂਹਵਾਂ ਦਾ ਕੀ ਕਰੀਏ
ਮਾਹੀ ਵੇ ਤੇਰੇ ਲਾਰਿਆਂ ਦਾ ਕੀ ਕਰੀਏ

ਹੋਈਆਂ ਨਾ ਕਬੂਲ ਦੇਬੀ ਉਹਨਾਂ ਅਰਦਾਸਾਂ ਦਾ
ਕਿਸੇ ਕੋਨੇ ਦਿਲ ਦੇ ਚ ਜੱਗਦੀਆਂ ਆਸਾਂ ਦਾ
ਵਿਛੋੜਿਆਂ ਨਾ' ਪਿੰਡੇ ਉੱਤੇ ਪਈਆਂ ਹੋਈਆਂ ਲਾਸਾਂ ਦਾ
ਕੀ ਕਰੀਏ ਮਾਹੀ ਵੇ ਦੱਸ ਕੀ ਕਰੀਏ
ਕਿੱਲੀਆਂ ਉੱਤੇ ਟੰਗੇ ਲਾਲ ਲਿਬਾਸਾਂ ਦਾ ਕੀ ਕਰੀਏ
ਹਾਏ ਵੇ ਤੇਰੇ ਲਾਰਿਆਂ ਦਾ ਕੀ ਕਰੀਏ ਵੇ ਦੱਸ ਕੀ ਕਰੀਏ

ਕਈ ਕਈ ਦਿਨ ਰਹਿੰਦੇ ਨੇ ਘਰ ਤੋਂ ਬਾਹਰ ਟਰਾਲਿਆਂ ਵਾਲੇ
ਨਿੱਤ ਲੰਮਿਆਂ ਰੂਟਾਂ ਤੇ ਰਹਿੰਦੇ ਯਾਰ ਟਰਾਲਿਆਂ ਵਾਲੇ


ਗਾਣੇ ਚਮਕੀਲੇ ਦੇ ਲੰਮਾ ਸਫਰ ਵੀ ਛੇਤੀ ਮੁੱਕੇ
ਉਂਝ ਹੱਸਦੇ ਰਹਿੰਦੇ ਨੇ ਖੂਨ ਸਟੇਅਰ ਤੇ ਜਾਕੇ ਸੁੱਕੇ
ਨਿੱਤ ਕਿੰਨੀਆਂ ਮੁਸ਼ਕਲਾਂ ਨੂੰ ਕਰਦੇ ਪਾਰ ਟਰਾਲਿਆਂ ਵਾਲੇ
ਨਿੱਤ ਲੰਮਿਆਂ ਰੂਟਾਂ ਤੇ ਰਹਿੰਦੇ ਯਾਰ ਟਰਾਲਿਆਂ ਵਾਲੇ


ਬਾਂਹ ਚੂੜੇ ਵਾਲੀ ਤੋਂ ਛੁਡਾ ਕੇ ਸੀਟ ਉੱਤੇ ਜਾ ਬਹਿੰਦਾ
ਲੱਖ ਮੀਂਹ ਨੇਰੀ ਹੋਵੇ ਮਿਲ ਗਿਆ ਲੋਡ ਤਾਂ ਤੁਰਨਾ ਪੈਂਦਾ
ਹਰ ਮੌਸਮ ਸੜਕਾਂ ਤੇ ਦੇਣ ਗੁਜ਼ਾਰ ਟਰਾਲਿਆਂ ਵਾਲੇ
ਨਿੱਤ ਲੰਮਿਆਂ ਰੂਟਾਂ ਤੇ ਰਹਿੰਦੇ ਯਾਰ ਟਰਾਲਿਆਂ ਵਾਲੇ


ਹਿੰਮਤੀ ਪੰਜਾਬੀਆਂ ਨੇ ਖੁਦ ਨੂੰ ਚੜ੍ਹਦੀ ਕਲਾ ਚ ਰੱਖਣਾ
ਵਰ ਬਾਬੇ ਨਾਨਕ ਦਾ ਇਹਨਾ ਉਜੜ ਉਜੜ ਕੇ ਵੱਸਣਾ
ਦੇਬੀ ਦੇ ਮਿੱਤਰ ਨੇ ਕਈ ਸਰਦਾਰ ਟਰਾਲਿਆਂ ਵਾਲੇ
ਨਿੱਤ ਲੰਮਿਆਂ ਰੂਟਾਂ ਤੇ ਰਹਿੰਦੇ ਯਾਰ ਟਰਾਲਿਆਂ ਵਾਲੇ

ਸੋਹਣਾ ਜਿਹਾ ਸੋਹਣਾ ਜਿਹਾ ਮੁੱਖ ਦੇਖ ਕੇ ਵੇ ਸੌਖੀ ਲੰਘਦੀ ਦਿਹਾੜੀ ਸਾਰੀ
ਗਲੀ ਵਿੱਚ ਗਲੀ ਵਿੱਚ ਗੇੜੇ ਮਾਰਦੀ ਵੇ ਇੱਕ ਤੇਰੇ ਦਰਸ਼ਨ ਦੀ ਮਾਰੀ


ਚੰਗੀ ਗੱਲ ਚੜ੍ਹਦੇ ਪਾਸੇ ਹੀ ਤੇਰਾ ਘਰ ਵੇ
ਨਿੱਤ ਸੁਬਾਹ ਜਾਣਾ ਏ ਕੋਠੇ ਉੱਤੇ ਚੜ ਵੇ
ਚੰਨਾ ਤੇਰੀ ਸਹੁੰ ਲੱਗੇ ਮੇਰੇ ਵਾਸਤੇ ਵੇ ਦੋ ਸੂਰਜ ਚੜਨ ਇੱਕੋ ਵਾਰੀ
ਗਲੀ ਵਿੱਚ ਗਲੀ ਵਿੱਚ ਗੇੜੇ ਮਾਰਦੀ ਵੇ ਇੱਕ ਤੇਰੇ ਦਰਸ਼ਨ ਦੀ ਮਾਰੀ 


ਝਾਂਜਰਾਂ ਤੇ ਚੂੜੀਆਂ ਚ ਨਾਂ ਤੇਰਾ ਬੋਲਦਾ
ਝੱਲਿਆਂ ਦੇ ਵਾਂਗੂ ਮੇਰਾ ਦਿਲ ਤੈਨੂੰ ਟੋਹਲਦਾ
ਤੇਰਾ ਮੇਰਾ ਮੇਰਾ ਤੇਰਾ ਨਾਂ ਜੋੜ ਕੇ ਵੇ ਮੈਨੂੰ ਛੇੜਦੀ ਮੰਡੀਰ ਹੁਣ ਸਾਰੀ
ਗਲੀ ਵਿੱਚ ਗਲੀ ਵਿੱਚ ਗੇੜੇ ਮਾਰਦੀ ਵੇ ਇੱਕ ਤੇਰੇ ਦਰਸ਼ਨ ਦੀ ਮਾਰੀ


ਮਹਿੰਦੀ ਤੇਰੇ ਨਾਂ ਵਾਲੀ ਹੱਥਾਂ ਉੱਤੇ ਲਾਈ ਵੇ
ਤੇਰੀ ਮੇਰੀ ਹੋਣੀ ਦੱਸ ਕਦੋਂ ਕੁੜਮਾਈ ਵੇ
ਮੇਰੇ ਵਾਰੇ ਦੇਬੀ ਦੱਸ ਕੀ ਸੋਚਿਆ ਵੇ ਮੈਂ ਤਾਂ ਤੇਰੇ ਪਿੱਛੇ ਬੈਠੀ ਆਂ ਕੁਆਰੀ
ਗਲੀ ਵਿੱਚ ਗਲੀ ਵਿੱਚ ਗੇੜੇ ਮਾਰਦੀ ਵੇ ਇੱਕ ਤੇਰੇ ਦਰਸ਼ਨ ਦੀ ਮਾਰੀ

ਤੇਰੇ ਜਿੰਨਾ ਨਾ ਕੋਈ ਸੋਹਣਾ ਤੇਰੇ ਜਿੰਨਾ ਨਾ ਕੋਈ ਪਿਆਰਾ
ਜੇ ਇਤਰਾਜ਼ ਨਾ ਹੋਵੇ ਤੈਨੂੰ ਰੱਬ ਕਹਿ ਦਿਆਂ ਯਾਰਾ


ਜੇ ਦਿਲ ਵਿੱਚ ਹੋਵੇ ਸ਼ੱਕ ਤਾਂ ਕਦੇ ਮੁਹੱਬਤ ਨਹੀਂ ਹੁੰਦੀ
ਜੇ ਜੁੜੇ ਨਾ ਅੰਦਰੋਂ ਸੁਰਤੀ ਫੇਰ ਇਬਾਦਤ ਨਹੀਂ ਹੁੰਦੀ
ਇਸ਼ਕ ਹਵਾਲੇ ਜਾਨ ਇਮਾਨ ਜਹਾਨ ਵੀ ਕੀਤਾ ਸਾਰਾ
ਜੇ ਇਤਰਾਜ਼ ਨਾ ਹੋਵੇ ਤੈਨੂੰ ਰੱਬ ਕਹਿ ਦਿਆਂ ਯਾਰਾ


ਤੇਰੇ ਬਾਝੋਂ ਮੈਨੂੰ ਕਿੱਧਰੇ ਵੀ ਨਾ ਮਿਲੇ ਪਨਾਹ ਯਾਰਾ
ਗੱਲਵਕੜੀ ਤੈਨੂੰ ਪਾਵਾਂ ਮਹਿਕਣ ਲੱਗਦੇ ਸਾਹ ਯਾਰਾ
ਤੂੰ ਇੱਕ ਮਿੱਠਾ ਚਸ਼ਮਾ ਬਾਕੀ ਜੱਗ ਸਮੁੰਦਰ ਖਾਰਾ
ਜੇ ਇਤਰਾਜ਼ ਨਾ ਹੋਵੇ ਤੈਨੂੰ ਰੱਬ ਕਹਿ ਦਿਆਂ ਯਾਰਾ


ਕੁਝ ਕਿਸੇ ਨਾਲ ਨਹੀਂ ਮਿਲਦਾ ਦੇਬੀ ਵੱਖਰਾ ਸਾਰਿਆਂ ਤੋਂ
ਧਰਤੀ ਨਾਲ ਜੁੜਿਆ ਲੋਕੀ ਕਹਿੰਦੇ ਉੱਚਾ ਤਾਰਿਆਂ ਤੋਂ
ਸਾਰਿਆਂ ਨਾਲੋਂ ਉੱਚਾ ਮੇਰੀ ਕਿਸਮਤ ਦਾ ਸਿਤਾਰਾ
ਜੇ ਇਤਰਾਜ਼ ਨਾ ਹੋਵੇ ਤੈਨੂੰ ਰੱਬ ਕਹਿ ਦਿਆਂ ਯਾਰਾ

ਤੂੰ ਸਾਰਾ ਕੁੱਝ ਨਾ ਪੁੱਛਿਆ ਕਰ ਐਨਾ ਕੁੱਝ ਦੱਸਣਾ ਔਖਾ ਏ
ਉਜੜਣਾ ਐਨਾ ਔਖਾ ਨਹੀਂ ਪਰ ਮੁੜ ਕੇ ਵੱਸਣਾ ਔਖਾ ਏ

ਤੈਥੋਂ ਕਿੰਨਾ ਕੁੱਝ ਲੁਕੋ ਲਈ ਦਾ ਅਸੀਂ ਕਿੰਨੇ ਔਖੇ ਹੋ ਲਈ ਦਾ
ਤੇਰੇ ਨਾਲ ਹਮੇਸ਼ਾ ਹੱਸ ਲਈਏ ਤੇਰੇ ਮਗਰੋਂ ਕੱਲੇ ਰੋ ਲਈ ਦਾ
ਤੂੰ ਸਾਰਾ ਕੁੱਝ ਨਾ ਪੁੱਛਿਆ ਕਰ ਐਨਾ ਕੁੱਝ ਦੱਸਣਾ ਔਖਾ ਏ
ਉਜੜਣਾ ਐਨਾ ਔਖਾ ਨਹੀਂ ਪਰ ਮੁੜ ਕੇ ਵੱਸਣਾ ਔਖਾ ਏ

ਕੁੱਝ ਰਾਜ ਹੋਣਗੇ ਤੇਰੇ ਵੀ ਤੂੰ ਜਿੰਨਾ ਤੋਂ ਪਰਦੇ ਚੁੱਕੇ ਨਹੀਂ
ਦੱਸਣੇ ਨਾ ਹੋਣ ਮੁਨਾਸਿਬ ਜੋ ਅਸੀਂ ਝਿਜਕਦਿਆਂ ਨੇ ਪੁੱਛੇ ਨਹੀਂ
ਤੂੰ ਸਾਰਾ ਕੁੱਝ ਨਾ ਪੁੱਛਿਆ ਕਰ ਐਨਾ ਕੁੱਝ ਦੱਸਣਾ ਔਖਾ ਏ
ਉਜੜਣਾ ਐਨਾ ਔਖਾ ਨਹੀਂ ਪਰ ਮੁੜ ਕੇ ਵੱਸਣਾ ਔਖਾ ਏ

ਕੀ ਕਹਿਣੇ ਮੇਰੇ ਲੇਖਾਂ ਦੇ ਤੇਰੇ ਕੇਸਾਂ ਨਾਲੋਂ ਕਾਲੇ ਨੇ
ਦੁੱਖ ਆਪਣੇ ਤੈਨੂੰ ਕਿਉਂ ਦੇਵਾਂ ਮੈਂ ਬੱਚਿਆਂ ਵਾਂਗੂ ਪਾਲੇ ਨੇ
ਤੂੰ ਸਾਰਾ ਕੁੱਝ ਨਾ ਪੁੱਛਿਆ ਕਰ ਐਨਾ ਕੁੱਝ ਦੱਸਣਾ ਔਖਾ ਏ
ਉਜੜਣਾ ਐਨਾ ਔਖਾ ਨਹੀਂ ਪਰ ਮੁੜ ਕੇ ਵੱਸਣਾ ਔਖਾ ਏ

ਗੀਤਾਂ ਵਿੱਚ ਪੂਰਾ ਨਹੀਂ ਆਉਂਦਾ ਜੋ ਕੁੱਝ ਦੇਬੀ ਨੇ ਜਰਿਆ ਨੇ
ਦੁਨੀਆਂ ਦੀ ਨਜ਼ਰ ਚ ਜਿਉਂਦਾ ਏ ਉਂਝ ਬੜੀ ਦੇਰ ਦਾ ਮਰਿਆ ਏ
ਤੂੰ ਸਾਰਾ ਕੁੱਝ ਨਾ ਪੁੱਛਿਆ ਕਰ ਐਨਾ ਕੁੱਝ ਦੱਸਣਾ ਔਖਾ ਏ
ਉਜੜਣਾ ਐਨਾ ਔਖਾ ਨਹੀਂ ਪਰ ਮੁੜ ਕੇ ਵੱਸਣਾ ਔਖਾ ਏ

ਗਾਇਕ :- ਸੈਮੀ ਸਿਮਰਨ

ਹਾਰੀ ਮੈਂ ਦਿਲ ਹਾਰੀ
ਤੇਰੇ ਉੱਤੇ ਦੁਨੀਆਂ ਵਾਰੀ
ਕਿਤੇ ਛੱਡ ਨਾ ਜਾਂਵੀਂ ਸੱਜਣਾਂ ਹੋਲ ਜਿਹਾ ਪੈਂਦਾ ਏ
ਇੱਕ ਤੇਰੇ ਕਰਕੇ ਦਿਲ ਜਿਹਾ ਲੱਗਿਆ ਰਹਿੰਦਾ ਏ

ਵੇਲ ਵਾਂਗਰਾਂ ਗਲ੍ਹ ਲੱਗਣਾ ਚਾਹਵੇ ਚੜ੍ਹਦੀ ਜਦੋਂ ਜਵਾਨੀ
ਕੀ ਮੇਰੇ ਸਿਰ ਘੋਲ ਕੇ ਪਾਇਆ ਹੋਈ ਫਿਰਾਂ ਦੀਵਾਨੀ
ਮੈਂ ਜਿੱਧਰ ਵੇਖਾਂ ਤੂੰਹੀਉ ਨਜ਼ਰੀ ਪੈਂਦਾ ਏ
ਇੱਕ ਤੇਰੇ ਕਰਕੇ ਦਿਲ ਜਿਹਾ ਲੱਗਿਆ ਰਹਿੰਦਾ ਏ

ਸਭ ਤੋਂ ਮੁਸ਼ਕਲ ਹੁੰਦਾ ਅੰਦਰੋਂ ਪਿਆਰ ਕਿਸੇ ਨਾਲ ਪੈਣਾ
ਯਾਰ ਨੂੰ ਮੰਨਣਾ ਰੱਬ ਤੇ ਉਹਦੀ ਰਜ਼ਾ ਵਿੱਚ ਰਾਜੀ ਰਹਿਣਾ
ਇੱਕ ਇਸ਼ਕ ਹਮੇਸ਼ਾ ਸਾਰੇ ਘਾਟੇ ਸਹਿੰਦਾ ਏ
ਇੱਕ ਤੇਰੇ ਕਰਕੇ ਦਿਲ ਜਿਹਾ ਲੱਗਿਆ ਰਹਿੰਦਾ ਏ

ਲਾਉਣਾ ਕਦੋਂ ਯਾਰਾਂ ਦਾ ਉਧਾਰ ਨੀ ਮਜਾਜਣੇ
ਦੱਸ ਕਦੋਂ ਕਰੇਂਗੀ ਪਿਆਰ ਨੀ ਮਜਾਜਣੇ

ਨੈਣਾਂ ਨੂੰ ਤਾਂ ਹੁੰਦੀ ਏਸ ਗੱਲ ਦੀ ਭੁੱਖ ਨੀ
ਹਰ ਵੇਲੇ ਦਿੱਸਦਾ ਏ ਸੱਜਣਾਂ ਦਾ ਮੁੱਖ ਨੀ
ਸੱਟ ਤੇ ਵਿਛੋੜਾ ਨਾ ਸਹਾਰ ਨੀ ਮਜਾਜਣੇ
ਦੱਸ ਕਦੋਂ ਕਰੇਂਗੀ ਪਿਆਰ ਨੀ ਮਜਾਜਣੇ

ਜਿੰਨਾ ਚਾਰ ਕਲੀ ਖਿਲ ਬਣਦੀ ਨਾ ਫੁੱਲ ਨੀ
ਪੈਂਦਾ ਨਾ ਬਜ਼ਾਰ ਵਿੱਚ ਉਹਦਾ ਕੋਈ ਮੁੱਲ ਨੀ
ਗਲੇ ਦਾ ਬਣਾਉਂਦਾ ਕੋਈ ਹਾਰ ਨੀ ਮਜਾਜਣੇ
ਦੱਸ ਕਦੋਂ ਕਰੇਂਗੀ ਪਿਆਰ ਨੀ ਮਜਾਜਣੇ

ਦੇਬੀ ਮਖਸੂਸਪੁਰੀ ਜੇ ਤੂੰ ਠੁਕਰਾਏਂਗੀ
ਲੱਭਦੀ ਮੁਹੱਬਤਾਂ ਨੂੰ ਨਰਕਾਂ ਨੂੰ ਜਾਏਂਗੀ
ਆਸ਼ਕਾਂ ਦੀ ਹਾਅ ਦਿੰਦੀ ਮਾਰ ਨੀ ਮਜਾਜਣੇ
ਦੱਸ ਕਦੋਂ ਕਰੇਂਗੀ ਪਿਆਰ ਨੀ ਮਜਾਜਣੇ

ਵੇ ਤੂੰ ਚੋਰਾਂ ਵਾਂਗੂ ਭੱਜ ਜਿੰਨਾ ਭੱਜਣਾ
ਤੇਰਾ ਪਿੱਛਾ ਨਈਂ ਪੁਲਿਸ ਵਾਂਗੂ ਛੱਡਣਾ
ਤੇਰੀ ਅੱਖ 'ਚ ਨਜ਼ਰ ਬਣ ਰਹਿਣਾ ਤੇ ਤੈਨੂੰ ਵੀ ਬਣਾ ਕੇ ਰੱਖਣਾ
ਤੈਨੂੰ ਹੋਰ ਵੱਲ ਵੇਖਣ ਨੀ ਦੇਣਾ ਅਸਾਂ ਨਹੀਂ ਹੋਰ ਵੱਲ ਤੱਕਣਾ

ਧੱਕਾ ਮਿੰਨਤਾਂ ਕਾਨੂੰਨੀ ਕਾਰਵਾਈ ਵੇ
ਹੁੰਦੇ ਜਾਇਜ਼ ਵਿਚ ਪਿਆਰ ਤੇ ਲੜਾਈ ਦੇ
ਅੱਕ ਚੱਬ ਬਦਨਾਮੀਆਂ ਦਾ ਲੈਣਾ ਮਿਹਣਿਆਂ ਦਾ ਜ਼ਹਿਰ ਚੱਟਣਾ
ਤੈਨੂੰ ਹੋਰ ਵੱਲ ਵੇਖਣ ਨੀ ਦੇਣਾ ਅਸਾਂ ਨਹੀ ਹੋਰ ਵੱਲ ਤੱਕਣਾ

ਤੇਰੇ ਦਰਾਂ ਮੁਜ਼ਾਹਰੇ ਕਰਵਾਵਾਂਗੇ
ਜ਼ਿਦਾਬਾਦ ਮੁਰਦਾਬਾਦ ਨਾਅਰੇ ਲਾਵਾਂਗੇ
ਮੰਗਾਂ ਸਾਰੀਆਂ ਨਾ ਜਦੋਂ ਤਾਈਂ ਮੰਨੀਆਂ ਵੇ ਜੀ ਟੀ ਰੋਡ ਜਾਮ ਰੱਖਣਾ
ਤੈਨੂੰ ਹੋਰ ਵੱਲ ਵੇਖਣ ਨੀ ਦੇਣਾ ਅਸਾਂ ਨਹੀ ਹੋਰ ਵੱਲ ਤੱਕਣਾ

ਅਸੀਂ ਤੇਰੇ ਤੇ ਮਰੇ ਤੂੰ ਕਰ ਮਾਣ ਵੇ
ਸਾਡੀ ਦੀਦ ਨੂੰ ਤਰਸਦਾ ਜਹਾਨ ਵੇ
ਦਿਲ ਤੋੜਨਾ ਵੀ ਚੰਗੀ ਤਰ੍ਹਾਂ ਆਉਂਦਾ ਤੇ ਆਉਂਦਾ ਸਾਨੂੰ ਦਿਲ ਰੱਖਣਾ
ਤੈਨੂੰ ਹੋਰ ਵੱਲ ਵੇਖਣ ਨੀ ਦੇਣਾ ਅਸਾਂ ਨਹੀ ਹੋਰ ਵੱਲ ਤੱਕਣਾ

ਸਾਡੇ ਨਖ਼ਰੇ ਤੇ ਹੱਠ ਮਸ਼ਹੂਰ ਵੇ
ਤੇਰੀ ਸ਼ਰਤ ਹਰੇਕ ਮਨਜ਼ੂਰ ਵੇ
ਮਨਜ਼ੂਰ ਮਖਸੂਸਪੁਰੀ ਸਾਨੂੰ ਤੇ ਕੰਜਰੀ ਦੇ ਵਾਂਗ ਨੱਚਣਾ
ਤੈਨੂੰ ਹੋਰ ਵੱਲ ਵੇਖਣ ਨੀ ਦੇਣਾ ਅਸਾਂ ਨਹੀ ਹੋਰ ਵੱਲ ਤੱਕਣਾ

ਪਿਆਰ ਦੇ ਗੂੜ੍ਹੇ ਰੰਗ ਚ ਜ਼ਿੰਦਗੀ ਰੰਗਣੇ ਨੂੰ ਜੀਅ ਕਰਦਾ ਏ
ਕਿਸੇ ਸੋਹਣੀ ਕੁੜੀ ਮਜਾਜਣ ਤੋਂ ਦਿਲ ਮੰਗਣੇ ਨੂੰ ਜੀਅ ਕਰਦਾ ਏ

ਕਿਸੇ ਗੱਲਾਂ ਕਰਦੀ ਨਜ਼ਰ ਵੱਲੋਂ ਸੱਦਿਆ ਜਾਣਾ ਚਾਹੁੰਦਾ ਹਾਂ
ਕਿਸੇ ਦੇ ਤਿੱਖੇ ਨਕਸ਼ਾ ਹੱਥੋਂ ਵੱਢਿਆ ਜਾਣਾ ਚਾਹੁੰਦਾ ਹਾਂ
ਲਾਰਿਆਂ ਦੀ ਸੂਲੀ ਤੇ ਆਪਾਂ ਟੰਗਣੇ ਨੂੰ ਜੀਅ ਕਰਦਾ ਏ
ਕਿਸੇ ਸੋਹਣੀ ਕੁੜੀ ਮਜਾਜਣ ਤੋਂ ਦਿਲ ਮੰਗਣੇ ਨੂੰ ਜੀਅ ਕਰਦਾ ਏ

ਡਿੱਗਦੀ ਢਹਿੰਦੀ ਹੋਈ ਜਵਾਨੀ ਇੱਕ ਸਹਾਰਾ ਚਾਹੁੰਦੀ ਏ
ਬਾਤਾਂ ਪਾਉਂਦੀ ਅੱਖ ਕੋਈ ਖਾਮੋਸ਼ ਨਜਾਰਾ ਚਾਹੁੰਦੀ ਏ
ਘੜੀ ਮੁੜੀ ਕਿਸੇ ਗੱਲੀ ਦੇ ਵਿੱਚੋਂ ਲੰਘਣੇ ਨੂੰ ਜੀਅ ਕਰਦਾ ਏ
ਕਿਸੇ ਸੋਹਣੀ ਕੁੜੀ ਮਜਾਜਣ ਤੋਂ ਦਿਲ ਮੰਗਣੇ ਨੂੰ ਜੀਅ ਕਰਦਾ ਏ

ਹੁਣ ਦੇਖੀ ਤੂੰ ਭੁੱਲ ਜਾਂਵੀ ਨਾ ਮੈਂ ਕਿਸੇ ਨੂੰ ਐਵੇਂ ਬੋਲ ਕਹਾ
ਤਰਸਦੇ ਤੈਨੂੰ ਵੇਖਣ ਨੂੰ ਤੇ ਮੈਂ ਵੀ ਧੁੱਖਦਾ ਰੋਜ਼ ਰਹਾ
ਤੁਰੇ ਜਾਂਦਿਆਂ ਕਿਸੇ ਦੀ ਖੰਘ ਚ ਖੰਘਣੇ ਨੂੰ ਜੀਅ ਕਰਦਾ ਏ
ਕਿਸੇ ਸੋਹਣੀ ਕੁੜੀ ਮਜਾਜਣ ਤੋਂ ਦਿਲ ਮੰਗਣੇ ਨੂੰ ਜੀਅ ਕਰਦਾ ਏ

ਦੇਬੀ ਨਖਰੇ ਸੋਹਣਿਆਂ ਦੇ ਮਨਜੂਰ ਗੁਲਾਮੀ ਕਰਲਾਂਗੇ
ਅੱਖਾਂ ਵਿੱਚ ਰਾਤਾਂ ਕੱਟਲਾਂਗੇ ਦਿਨ ਰਾਤ ਚੌਕੀਆਂ ਭਰਲਾਂਗੇ
ਨਾਂ ਨੀ ਜਿਹਦਾ ਐਸਾ ਰਿਸ਼ਤਾ ਗੰਢਣੇ ਨੂੰ ਜੀਅ ਕਰਦਾ ਏ
ਕਿਸੇ ਸੋਹਣੀ ਕੁੜੀ ਮਜਾਜਣ ਤੋਂ ਦਿਲ ਮੰਗਣੇ ਨੂੰ ਜੀਅ ਕਰਦਾ ਏ

ਤੇਰੇ ਪਿਆਰ ਚ ਕਸੂਤੀ ਹਾਰ ਪੈ ਗਈ ਮੈਂ ਜ਼ਿੰਦਗੀ ਵੀ ਹਾਰ ਗਿਆ
ਤੇਰਾ ਓਪਰਿਆਂ ਵਾਂਗੂ ਭੁੱਲ ਜਾਣਾ ਬਿੱਲੋ ਨੀ ਸਾਨੂੰ ਮਾਰ ਗਿਆ

ਤੇਰੇ ਉੱਤੇ ਕੀਤਾ ਇਤਬਾਰ ਡੁੱਬਜਾਣੀਏ ਨੀ ਧੋਖਾ ਖਾ ਲਿਆ
ਵੱਸ ਹੀ ਰਿਹਾ ਨਾ ਦਿਲ ਉੱਤੇ ਨੈਣਾ ਤੇਰੇਆਂ ਨੇ ਜਾਦੂ ਪਾ ਲਿਆ
ਸੱਚ ਆਖਦੇ ਨੇ ਇਹਨਾਂ ਨੈਣਾਂ ਵਾਲਾ ਕਦੀ ਨਾ ਖਾਲੀ ਵਾਰ ਗਿਆ
ਤੇਰਾ ਓਪਰਿਆਂ ਵਾਂਗੂ ਭੁੱਲ ਜਾਣਾ ਬਿੱਲੋ ਨੀ ਸਾਨੂੰ ਮਾਰ ਗਿਆ

ਮਿੱਠੇ ਮਿੱਠੇ ਬੋਲ ਤੇਰੇ ਨਿੰਮੇ ਨਿੰਮੇ ਹਾਸੇ ਮੇਰੀ ਜਿੰਦ ਲੈ ਗਏ
ਰੋਗ ਲਾਇਆ ਜ਼ਿੰਦਗੀ ਨੂੰ ਬਣਕੇ ਸ਼ਰਾਬੀ ਜਹੇ ਆਪਾਂ ਰਹਿ ਗਏ
ਸਾਨੂੰ ਜੱਗ ਦਾ ਮਖੌਲ ਬਣਾ ਕੇ ਹਾਏ ਲੈ ਤੂੰ ਉਹੀ ਕਰਾਰ ਗਿਆ
ਤੇਰਾ ਓਪਰਿਆਂ ਵਾਂਗੂ ਭੁੱਲ ਜਾਣਾ ਬਿੱਲੋ ਨੀ ਸਾਨੂੰ ਮਾਰ ਗਿਆ

ਪਾਣੀ ਵਾਂਗੂ ਲੰਘਕੇ ਨੀ ਕਾਲੇ ਦਿਲ ਵਾਲੀਏ ਤੂੰ ਫੇਰ ਨਾ ਮੁੜੀ
ਸਹਿਕਦੇ ਰਹੇ ਨੀ ਮੁੱਖ ਵੇਖਣੇ ਨੂੰ ਤੇਰਾ ਸਾਨੂੰ ਘੜੀ ਨਾ ਜੁੜੀ
ਲੱਗਾ ਅੱਲੜਪੁਣੇ ਚ ਐਸਾ ਝੋਰਾ ਨੀ ਹੱਡੀਆਂ ਨੂੰ ਖਾਰ ਗਿਆ
ਤੇਰਾ ਓਪਰਿਆਂ ਵਾਂਗੂ ਭੁੱਲ ਜਾਣਾ ਬਿੱਲੋ ਨੀ ਸਾਨੂੰ ਮਾਰ ਗਿਆ

ਮੇਰੇ ਨਾਲ ਨਜ਼ਰਾਂ ਮਿਲਾਕੇ ਤੇਰਾ ਨੀਵੀਂ ਪਾਉਣਾ ਨਹੀਉ ਭੁੱਲਣਾ
ਨਾਮ ਮੇਰਾ ਲੈਕੇ ਬੁੱਲ ਦੰਦਾਂ ਚ ਦਬਾਉਂਣਾ ਮੈਨੂੰ ਨਹੀਂਉ ਭੁੱਲਣਾ
ਨਹੀਂਉ ਭੁੱਲਣਾ ਕਿਵੇਂ ਤੂੰ ਯਾਰੀ ਤੋੜੀ ਕਿਦਾਂ ਮੈਂ ਡੰਗ ਸਹਾਰ ਗਿਆ
ਤੇਰਾ ਓਪਰਿਆਂ ਵਾਂਗੂ ਭੁੱਲ ਜਾਣਾ ਬਿੱਲੋ ਨੀ ਸਾਨੂੰ ਮਾਰ ਗਿਆ

ਆਖਦੀ ਹੁੰਦੀ ਸੀ ਦੇਬੀ ਤੇਰੇ ਬਾਝੋਂ ਜੀਣਾ ਸਾਨੂੰ ਮੌਤ ਤੁੱਲ ਵੇ
ਜ਼ਿੰਦ ਵਟੇ ਮਿਲ ਮਖਸੂਸਪੁਰੀ ਜਾਵੇ ਨਹੀਂਉ ਮਹਿੰਗਾ ਮੁੱਲ ਵੇ
ਕਿੱਥੇ ਰਹਿ ਗਏ ਉਹ ਵੱਡੇ ਵੱਡੇ ਵਾਅਦੇ ਕਿੱਥੇ ਉਹ ਕਰਾਰ ਗਿਆ
ਤੇਰਾ ਓਪਰਿਆਂ ਵਾਂਗੂ ਭੁੱਲ ਜਾਣਾ ਬਿੱਲੋ ਨੀ ਸਾਨੂੰ ਮਾਰ ਗਿਆ