ਛੰਦ ਪਰਾਗੇ ਆਈਏ ਜਾਈਏ ਛੰਦੇ ਆਗੇ ਚੌਂਕੀ।
ਜਾੳ ਭੇਜੋ ਉਸਨੂੰ ਜਾਕੇ, ਜਿਸਦਾ ਮੈਂ ਹਾਂ ਸ਼ੌਕੀ।

ਸਾਡੇ ਤਾਂ ਵੇਹੜੇ ਮੁਢ ਮਕਈ ਦਾ
ਦਾਣੇ ਤਾਂ ਮੰਗਦਾ ਉਧਲ ਗਈ ਦਾ,
ਭੱਠੀ ਤਾਂ ਤਪਦੀ ਨਹੀਂ

ਨਿਲੱਜਿਓ...
ਲੱਜ ਤੁਹਾਨੂੰ ਨਹੀਂ ...

ਸਾਡੇ ਤਾਂ ਵੇਹੜੇ ਤਾਣਾ ਤਣੀਂਦਾ,
ਲਾੜੇ ਦਾ ਪਿਓ ਕਾਣਾ ਸੁਣੀਂਦਾ,
ਐਨਕ ਲਾਉਣੀ ਪਈ

ਨਿਲੱਜਿਓ...
ਲੱਜ ਤੁਹਾਨੂੰ ਨਹੀਂ ...

ਕੁੜੀ ਤਾਂ ਸਾਡੀ ਤਿੱਲੇ ਦੀ ਤਾਰ ਵੇ
ਮੁੰਡਾ ਤਾ ਦਿਸਦਾ ਕੋਈ ਘੁਮਿਆਰ ਵੇ
ਜੋੜੀ ਤਾਂ ਫਬਦੀ ਨਹੀਂ

ਨਿਲੱਜਿਓ...
ਲੱਜ ਤੁਹਾਨੂੰ ਨਹੀਂ....

ਛੇ ਮਹੀਨੇ ਸੁਨਿਆਰ ਬਠਾਇਆ
ਚਾਂਦੀ ਦੇ ਗਹਿਣੇ ਤੇ ਪਾਣੀ ਫਿਰਾਇਆ
ਪਿੱਤਲ ਪਾਉਣਾ ਸਾਈ

ਨਿਲੱਜਿਓ...
ਲੱਜ ਤੁਹਾਨੂੰ ਨਹੀਂ....

ਪੁਰਾਣੇ ਗਹਿਣਿਆ ਤੇ ਰੰਗ ਚੜਾਇਆ
ਸਾਡੀ ਤੇ ਬੀਬੀ ਦੇ ਪਸੰਦ ਨਾ ਆਇਆ
ਨਵੇਂ ਘੜਾਣੇ ਸਾਈ

ਨਿਲੱਜਿਓ...
ਲੱਜ ਤੁਹਾਨੂੰ ਨਹੀਂ....

ਦਿਲ ਮੰਗਦਾ ਦਹੀਂ ਅਖਰੋਟ ਕੁੜੇ
ਕੁੜਮ ਹੈਗਾ ਪਤਲਾ ਜੇਹਾ, ਜੋਰੂ ਹੋ ਗਈ ਤੋਪ ਕੁੜੇ
ਮਰਹੱਟੇ ਵਾਲੀ ਤੋਪ ਕੁੜੇ, ਭੰਗੀਆਂ ਵਾਲੀ ਤੋਪ ਕੁੜੇ
ਦਿਲ ਮੰਗਦਾ ਦਹੀਂ ਅਖਰੋਟ ਕੁੜੇ

ਹੁਣ ਕੀ ਦਾਅਵਾ ਵੇ ਬਾਬਲ ਤੇਰਾ
ਦਾਅਵਾ ਕਰਦਾ ਮੁੰਡੇ ਦਾ ਭਾਈਆ
ਪਕੜ ਖਲੋਤਾ ਡੋਲੇ ਦੀ ਬਾਹੀਆਂ

ਹੁਣ ਕੀ ਦਾਅਵਾ ਵੇ ਵੀਰਾ ਤੇਰਾ
ਦਾਅਵਾ ਕਰਦਾ ਮੁੰਡੇ ਦਾ ਵੀਰਾ

ਪਕੜ ਖਲੋਤਾ ਡੋਲੇ ਦੀ ਬਾਹੀਆਂ

ਹੁਣ ਕੀ ਦਾਅਵਾ ਵੇ ਚਾਚਾ ਤੇਰਾ
ਦਾਅਵਾ ਕਰਦਾ ਲਾੜੇ ਦਾ ਚਾਚਾ

ਪਕੜ ਖਲੋਤਾ ਡੋਲੇ ਦੀ ਬਾਹੀਆਂ

Wah 22 ji bahut khoob. Thanks for sharing. My fav ones.

Thanks 22 g.... i ll keep sharing.... :)

aangan saade chikada ve kine doleya paani..... maa da puttar laadla ni ohne doleya paani....

aangan saade chikada ve kine doleya paani....  bhua da bhateeja naatda ji ohne doleya paani......

nd same is 2 b copied fr mama maasi... chacha nd awll....

moraan ne pailaan pa layiyaan..... babal cham cham rowe....

tu keyon rovein baabla dheeyaan dhan ve paraaya.....

keep sharing n continued dis  thread...

https://youtu.be/Z1EYFdXeb9o

ਰਾਜਾ ਤੇ ਪੁੱਛਦਾ ਨੀ ਰਾਣੀ ਸੁਣ ਮੇਰੀ ਬਾਤ ਨੂੰ; ਗਾਗਰ ਦੇ ਸੁੱਚੇ ਮੋਤੀ ਕਿਸ ਨੂੰ ਦੇਈਏ

ਪੈਂਦੇ ਦੇ ਜਾਈਏ ਵੇ ਰਾਜਾ ਸਾਹਾ ਸੁਧਾਈਏ; ਗਾਗਰ ਦੇ ਸੁੱਚੇ ਮੋਤੀ ਉਸਨੂੰ ਦੇਈਏ

ਪੁੱਤਾਂ ਦਾ ਜਾਮਣਾਂ ਵੇ ਰਾਜਾ ਨੋਹਾਂ ਦਾ ਆਵਣਾ; ਇੰਦਰ ਦੀ ਵਰਖਾ ਵੇ ਰਾਜਾ ਨਿਤ ਨਿਤ ਨਾ ਹੋਵਣੀ

ਰਾਜਾ ਤੇ ਪੁੱਛਦਾ ਨੀ ਰਾਣੀ ਸੁਣ ਮੇਰੀ ਬਾਤ ਨੂੰ; ਗਾਗਰ ਦੇ ਸੁੱਚੇ ਮੋਤੀ ਕਿਸ ਨੂੰ ਦੇਈਏ

ਲਲਾਰੀ ਦੇ ਜਾਈਏ ਵੇ ਰਾਜਾ ਚੀਰਾ ਰੰਗਵਾਈਏ; ਗਾਗਰ ਦੇ ਸੁੱਚੇ ਮੋਤੀ ਉਸਨੂੰ ਦੇਈਏ

ਰਾਜਾ ਤੇ ਪੁੱਛਦਾ ਨੀ ਰਾਣੀ ਸੁਣ ਮੇਰੀ ਬਾਤ ਨੂੰ; ਗਾਗਰ ਦੇ ਸੁੱਚੇ ਮੋਤੀ ਕਿਸ ਨੂੰ ਦੇਈਏ

ਮਾਲਣ ਦੇ ਜਾਈਏ ਵੇ ਰਾਜਾ ਸਿਹਰਾ ਗੁੰਦਵਾਈਏ ; ਗਾਗਰ ਦੇ ਸੁੱਚੇ ਮੋਤੀ ਉਸਨੂੰ ਦੇਈਏ

ਰਾਜਾ ਤੇ ਪੁੱਛਦਾ ਨੀ ਰਾਣੀ ਸੁਣ ਮੇਰੀ ਬਾਤ ਨੂੰ; ਗਾਗਰ ਦੇ ਸੁੱਚੇ ਮੋਤੀ ਕਿਸ ਨੂੰ ਦੇਈਏ

ਸੁਣਿਆਰੇ ਦੇ ਜਾਈਏ ਵੇ ਰਾਜਾ ਕੈਂਠਾ ਕੜਵਾਈਏ ; ਗਾਗਰ ਦੇ ਸੁੱਚੇ ਮੋਤੀ ਉਸਨੂੰ ਦੇਈਏ

ਰਾਜਾ ਤੇ ਪੁੱਛਦਾ ਨੀ ਰਾਣੀ ਸੁਣ ਮੇਰੀ ਬਾਤ ਨੂੰ; ਗਾਗਰ ਦੇ ਸੁੱਚੇ ਮੋਤੀ ਕਿਸ ਨੂੰ ਦੇਈਏ

ਦਰਜੀ ਦੇ ਜਾਈਏ ਵੇ ਰਾਜਾ ਕੁੜਤਾ ਸਵਈਏ ; ਗਾਗਰ ਦੇ ਸੁੱਚੇ ਮੋਤੀ ਉਸਨੂੰ ਦੇਈਏ

ਰਾਜਾ ਤੇ ਪੁੱਛਦਾ ਨੀ ਰਾਣੀ ਸੁਣ ਮੇਰੀ ਬਾਤ ਨੂੰ; ਗਾਗਰ ਦੇ ਸੁੱਚੇ ਮੋਤੀ ਕਿਸ ਨੂੰ ਦੇਈਏ

ਮੋਚੀ ਦੇ ਜਾਈਏ ਵੇ ਰਾਜਾ ਜੋੜਾ ਬਨਵਾਈਏ ; ਗਾਗਰ ਦੇ ਸੁੱਚੇ ਮੋਤੀ ਉਸਨੂੰ ਦੇਈਏ

ਪੁੱਤਾਂ ਦਾ ਜਾਮਣਾਂ ਵੇ ਰਾਜਾ ਨੋਹਾਂ ਦਾ ਆਵਣਾ; ਇੰਦਰ ਦੀ ਵਰਖਾ ਵੇ ਰਾਜਾ ਨਿਤ ਨਿਤ ਨਾ ਹੋਵਣੀ