ਦਿਲ ਇੱਕ ਹੈ ਅਰਮਾਨ ਬਹੁਤ ਨੇ ਕੁਝ ਜਜ਼ਬੇ ਬਲਵਾਨ ਬਹੁਤ ਨੇ

ਇਸ਼ਕ ਦੇ ਪੈਂਡੇ ਮੁਸ਼ਕਿਲ-ਮੁਸ਼ਕਿਲ ਵੇਖਣ ਵਿੱਚ ਆਸਾਨ ਬਹੁਤ ਨੇ

✍🏻ਦੀਪਕ ਜੈਤੋਈ

ਸਫ਼ਲਤਾ ਵਾਸਤੇ, ਕੁਝ ਹਸਰਤਾਂ ਨੂੰ ਮਾਰਨਾ ਪੈਣੈਂ,
ਕਿਸੇ ਨੂੰ ਜਿੱਤਣੋਂ ਪਹਿਲਾਂ, ਓਸੇ ਤੋਂ ਹਾਰਨਾ ਪੈਣੈਂ ।
✍🏻ਅਸ਼ਰਫ ਗਿੱਲ

ਨਾ ਵੀ ਹੋਵਣ ਤਾਂ ਵੀ ਸੋਹਣੇ ਲੱਗਦੇ ਨੇ
ਕੁਝ ਬੰਦਿਆਂ ਦੇ ਨਾਂ ਵੀ ਸੋਹਣੇ ਲੱਗਦੇ ਨੇ,
ਸੱਜਣਾ ਦੇ ਤਿਲ ਠੋਡੀ 'ਤੇ ਜਾਂ ਬੁੱਲ੍ਹੀਆਂ 'ਤੇ
ਹੋਵਣ ਜਿਹੜੀ ਥਾਂ ਵੀ ਸੋਹਣੇ ਲੱਗਦੇ ਨੇ
✍🏻ਇਰਸ਼ਾਦ ਸੰਧੂ

ਉਹ ਕਾਗ਼ਜ਼ੀ ਸੀ ਸਨਮ ਜਿਸ ਦੀ ਬੰਦਗੀ ਕੀਤੀ
ਹਵਾ ਦੇ ਨਾਂ ਤੇ ਬਸਰ ਸਾਰੀ ਜ਼ਿੰਦਗ਼ੀ ਕੀਤੀ
✍🏻ਖਾਵਰ ਰਾਜਾ

ਦਿਲਾਂ ਕਿਉਂ ਹੌਸਲਾ ਢਾਹਿਆ, ਇਸ਼ਕ ਦੀ ਖੇਡ ਖੇਡੀ ਜਾ,
ਖਿਡਾਰੀ ਜਿੱਤ ਵੀ ਜਾਂਦੇ ਨੇ, ਖਿਡਾਰੀ ਹਰ ਵੀ ਜਾਂਦੇ ਨੇ l
ਬੜਾ ਅਫ਼ਸੋਸ ਸੱਜਣਾਂ 'ਤੇ, ਬਦਲ ਗਏ ਗੈਰ ਦੇ ਆਖੇ,
ਤੂੰ ਰੱਖ ਹੌਸਲਾ 'ਸਫ਼ਰੀ' ਕਈਆਂ ਦੇ ਮਰ ਵੀ ਜਾਂਦੇ ਨੇ l
✍🏻ਚਰਨ ਸਿੰਘ ਸਫਰੀ

ਦਿਸ਼ਾ ਵੀ ਠੀਕ ਰੱਖਣ ਲਈ ਤੇ ਸੋਹਣੀ ਚਾਲ ਰੱਖਣ ਲਈ,
ਤੁਹਾਨੂੰ ਪਿਆਰ ਕਰਦਾ ਹਾਂ ਮੈਂ ਆਪਣਾ ਖਿਆਲ ਰੱਖਣ ਲਈ
✍🏻ਜਸਵੰਤ ਜ਼ਫਰ

ਕਿੰਨੀ ਖੁਸ਼ੀ ਸੀ ਤੇਰੇ ਮਿਲਣ ਦੀ, ਕਿੰਨੀ ਉਦਾਸੀ ਹੈ ਜਾਣ ਲੱਗਿਆਂ...
ਮੇਰਾ ਤਾਂ ਦਿਲ ਸੀ ਕੱਖਾਂ ਤੋਂ ਹੌਲਾ, ਤੁਸੀਂ ਵੀ ਰੋ ਪਏ ਹਸਾਣ ਲੱਗਿਆਂ
✍🏻ਪ੍ਰਕਾਸ਼ ਸਾਥੀ

ਸੱਜਣਾਂ ਨਾਲ ਵਖੇੜੇ ਚੰਗੀ ਗੱਲ ਤਾਂ ਨਹੀਂ ।
ਗੱਲ-ਗੱਲ ਦੇ ਵਿਚ ਝੇੜੇ ਚੰਗੀ ਗੱਲ ਤਾਂ ਨਹੀਂ ।
ਮੰਨਿਆਂ ਓਸ ਗਲੀ ਵਿੱਚ ਸੱਜਣ ਬਹਿੰਦੇ ਨੇ,
ਪਰ ਗੇੜੇ ਪਰ ਗੇੜੇ ਚੰਗੀ ਗੱਲ ਤਾਂ ਨਹੀਂ ।
✍🏻ਤਾਰਿਕ ਗੁੱਜਰ

किस से अब दर्द की दवा चाहूँ,
दर्द उठता है ले के तेरा नाम
# फ़ानी बदायुनी