ਦਿਲਾਂ ਦੀਆਂ ਇਮਾਰਤਾਂ ਚ ਕਿਤੇ ਵੀ ਬੰਦਗੀ ਨਹੀਂ
ਅਤੇ ਪੱਥਰਾਂ ਦੀਆਂ ਇਮਾਰਤਾਂ ਚ ਖੁਦਾ ਲੱਭਦੇ ਨੇ ਲੋਕ ..!!

Ek Ajeeb Si Kaifiyaat Rehti Hai K Tere Bin.
Reh Bhi Leta Hoon Aur Raha Bhi Nahi Jata . . ! !

ਪੈਰਾਂ ਨੂੰ ਲਾ ਕੇ ਮਹਿੰਦੀ ਮੇਰੀ ਕਬਰ 'ਤੇ ਕੋਈ..
ਕਲੀਆਂ ਚੜਾਉਣ ਆਇਆ ਪਰ ਅੱਗ ਲਗਾ ਗਿਆ.. !!

ਜਗਤਾਰ

ਗੁਆਚੇ ਇੰਜ ਕਿ ਭੁੱਲੇ ਅਸੀਂ ਰੰਗਾਂ ਦੇ ਨਾਂ ਤੀਕਰ..
ਕਦੇ ਇਹ ਸੋਚਦੇ ਸਾਂ ਮਹਿਕ ਦਾ ਵੀ ਨਾਮ ਰੱਖਾਂਗੇ.. !!

ਗੁਰਤੇਜ ਕੋਹਾਰਵਾਲਾ

ਤੇਰੀ ਤੇਹ ਦੀ ਸੀਮਾ ਤਾਂ ਸੀ ਇੱਕ ਦੋ ਬੂੰਦਾਂ ਪਾਣੀ..
ਬੱਸ ਐਵੇਂ ਹੀ ਪਿਘਲ ਗਿਆ ਸੀ ਮੈਂ ਸਾਰੇ ਦਾ ਸਾਰਾ.. !!

ਹਰਭਜਨ ਹਲਵਾਰਵੀ

ਵਿਦਾ ਹੁੰਦੇ ਸਮੇਂ ਜਿਹੜੇ ਤੇਰੇ ਨੈਣਾਂ 'ਚੋਂ ਛਲਕੇ ਸਨ..
ਉਹ ਮੋਤੀ ਨਾ ਮਿਲੇ ਦੁਨੀਆਂ ਦੇ ਡੂੰਘੇ ਸਾਗਰਾਂ ਅੰਦਰ.. !!

ਜਗਵਿੰਦਰ ਜੋਧਾ

ਉਮਰ ਭਰ ਜੋ ਰੰਗ ਭਰ ਸਕਿਆ ਨਾ.. ਸ਼ਰਮਿੰਦਾ ਹਾਂ ਮੈਂ..
ਦਿਲ ਵਿੱਚ ਵਾਹੇ ਜ਼ਿੰਦਗੀ ਦੇ ਖਾਕਿਆਂ ਨੂੰ ਵੇਖ ਕੇ.. !!

ਅਮਰਜੀਤ ਸਿੰਘ ਸੰਧੂ

ਕਰਾਉਣਾ ਹੈ ਜੇ ਸਿਜਦਾ.. ਬੰਦਿਆਂ ਦੇ ਵਾਂਗ ਮਿਲ ਸਾਨੂੰ.. 
ਕਿ ਹਰ ਪੱਥਰ ਦੇ ਬੁੱਤ ਮੂਹਰੇ ਇਹ ਸਿਰ ਨੀਵਾਂ ਨਾ ਕਰ ਹੋਵੇ.. !!

ਸੁਖਵਿੰਦਰ ਅੰਮ੍ਰਿਤ

ਦਿਲ ਦੇ ਉਜਲੇ ਕਾਗਜ਼ ਤੇ ਮੈਂ ਕਿਹੋ ਜਿਹਾ ਗੀਤ ਲਿਖਾਂ,
ਦੱਸ ਤੈਨੂੰ ਮੈਂ ਗੈਰ ਲਿਖਾਂ ਜਾਂ ਅਪਣਾ ਮੀਤ ਲਿਖਾਂ

ਮੁਕਦਰਾਂ ਤੋਂ ਪੈਦਾ ਹੋਏ ਸ਼ਿਕਵੇ,

ਬਣ ਕੇ ਅੰਕਰ ਫੁੱਟੀ ਹਿੰਮਤ ਜਾਂ,

ਸੰਤਾਪ ਸਹੇੜੀ ਬੈਠੇ ਉਮਰ ਭਰ,

ਪਾੜਕੇ ਸੀਨਾ ਧਰਤ ਉਗਾਏ ਅੰਨ ਨੂੰ।