ਲੰਘੇ ਤਿੰਨ ਲੱਖ ਸਾਲ

ਮਾਣਸ ਦੀ ਅਗਿਆਨਤਾ

ਅੱਜ ਵੀ ਸਾਡੇ ਨਾਲ਼

ਜੌਨ ਬਰੈਂਡੀ

ਬੱਚਾ ਕਹਿੰਦਾ

ਝੂਟੇ ਲੈਣੇ

ਡੈਡੀ ਬਣੋ ਘੋੜਾ

ਬਲਜੀਤਪਾਲ ਸਿੰਘ

ਟੀਚਰ ਚਾਰ ਚੁਫੇਰੇ…

ਦਿਸਦੇ ਨਾ ਪਰ

ਸਿੱਖਣ ਵਾਲ਼ੇ

ਗੁਰਿੰਦਰਜੀਤ ਸਿੰਘ

ਉਂਗਲ਼ ਫੜ ਕੇ ਪੋਤੀ

ਦਾਦੇ ਨੂੰ ਸਮਝਾਵੇ

‘ਡਰਿਓ ਨਾ ਮੈਂ ਹੈਗੀ’

ਦਰਬਾਰਾ ਸਿੰਘ

ਮੀਂਹ-ਛਰਾਟਾ ਲੰਘਿਆ

ਸੁਪਨੇ ਸੁਣਦੇ ਸ਼ਬਦ

ਉੱਡਗੇ ਬੁੱਲੇ ਨਾਲ਼

ਜੌਨ ਬਰੈਂਡੀ

ਬਿਰਧ ਪੈਰ

ਜੰਮਣ ਭੌਂ ‘ਤੇ ਤੁਰਦੇ

ਬਾਲਾਂ ਵਾਂਗ

ਗੁਰਮੀਤ ਸੰਧੂ

ਭਰਨ ਹੁੰਗਾਰੇ ਬੇਲਚੇ

ਬਰਫ ਹਟਾਉਂਦੀਆਂ

ਗੁਆਂਢਣਾ ਚੁੱਪ

ਸੰਦੀਪ ਧਨੋਆ

ਉਸ ਦਾ ਸਾਂਵਲਾ ਰੰਗ

ਦਰਖਤਾਂ ਦੀ ਛਾਂ ‘ਚ

ਗੁੰਮ ਹੋ ਰਿਹਾ

ਮਿੱਤਰ ਰਾਸ਼ਾ

ਗਰਮ ਰੁੱਤ ਦਾ ਸੇਕ–

ਮੈ ਫੈਲਾਏ ਦੋਨੋਂ ਹੱਥ

ਸੀਤ ਸੰਗਮਰਮਰ ਦੀ ਵੇਦੀ ਉੱਤੇ

ਜੌਨ ਬਰੈਂਡੀ

ਸਮੁੰਦਰ ‘ਚ ਲਹਿਰਾਂ

ਹਵਾ ਸੰਗ ਲਹਿਰਾਂਦੇ

ਉੱਡਦੇ ਚਿੜੀਆਂ ਦੇ ਝੁੰਡ

ਸੁਰਜੀਤ ਕਲਸੀ