ਉੱਚੇ ਮਕਾਨ

ਰੇਸ਼ਮੀ ਪਰਦੇ

ਉਦਾਸ ਲੋਕ

ਦੀਪੀ ਸੰਧੂ

ਅਧੂਰਾ ਮਾਰਗ

ਸਾਫ ਹੂੰਝਿਆ

ਪਿਆ ਹਵਾ ਦਾ

ਜੌਨ ਬਰੈਂਡੀ

ਚਿੜੀ ਦੇ ਪੌਂਚੇ ਜਿੱਡਾ ਸ਼ਹਿਰ

ਨਹੀਂ ਦਿਸੇ ਕਦੇ ਇਕ ਦੂਜੇ ਨੂੰ

ਮੈਂ ਤੇ ਮੇਰਾ ਛੋਟਾ ਭਰਾ

ਗੁਰਪ੍ਰੀਤ

ਜੀ ਟੀ ਰੋਡ ‘ਤੇ ਢਾਬਾ

ਡਰਾਈਵਰ ਲਈ ਭੁੱਕੀ

ਸਵਾਰੀ ਲਈ ਪਰਾਂਠਾ

ਗੁਰਮੀਤ ਸੰਧੂ

ਪੁਲ਼ ਬਣੇ ਨੂੰ ਦੇਰ ਹੋਈ

ਇੰਤਜ਼ਾਰ ਹੋ ਰਹੀ

ਉਦਘਾਟਨ ਕਰਨ ਆਏ ਕੋਈ

ਮਿੱਤਰ ਰਾਸ਼ਾ

ਸਿਰ ‘ਤੇ ਅੱਠ ਇੱਟਾਂ…

ਮਾਲਕ ਨੂੰ ਪੁੱਛੇ ਮਜਦੂਰ

‘ਸਾਹਿਬ ਪਾਂਚ ਕਬ ਵਜੇਂਗੇ’

ਦਰਬਾਰਾ ਸਿੰਘ

ਦਰਜ਼ੀ ਦੀ ਲੋਹ-ਇਸਤਰੀ:

ਅੰਗਾਰਾਂ ਦੇ ਸਾਗਰ ਉੱਤੇ

ਇਕ ਜਹਾਜ ਸਮੁੰਦਰੀ

ਜੌਨ ਬਰੈਂਡੀ

ਉਡਦਾ ਪੰਛੀ

ਝੜਿਆ ਖੰਭ

ਹਵਾ ਉਡਾਵੇ

ਸੰਦੀਪ ਧਨੋਆ

ਵੱਡੇ ਕੱਢਣ ਕੰਧਾਂ

ਨਿਕੇ ਬੱਚੇ ਜੋੜਣ

ਮੋਹ ਦੀਆਂ ਤੰਦਾਂ

ਬਲਜੀਤਪਾਲ ਸਿੰਘ

ਬੜਾ ਘੂਰ ਕੇ ਵੇਖੇ

ਕਿਰਸਾਨ ਦੀ ਬੇਟੀ

ਛੁਰੀ ਤਿੱਖੀ ਕਰਦੀ

ਜੌਨ ਬਰੈਂਡੀ