ਪਤਝੜ ਤੋਂ ਪਹਿਲਾਂ

ਜਾਂਦੇ ਖੇੜੇ ਦੀ ਖ਼ੁਸ਼ਬੂ

ਸਮੇਟ ਰਹੇ ਫੁੱਲ

ਸੁਰਜੀਤ ਕਲਸੀ

ਕਿਸ਼ਤੀਆਂ ਮੁੜਨ

ਤੋਂ ਪਹਿਲਾਂ ਪਹੁੰਚੇ

ਫੜੀਆਂ ਮੱਛੀਆਂ ਦੀ ਬੂ

ਜੌਨ ਬਰੈਂਡੀ

ਤਵੇ ‘ਤੇ ਫੁਲਕਾ ਫੁੱਲਿਆ

ਕੰਤ, ਪ੍ਰਦੇਸੋਂ ਮੁੜਿਆ

ਬੂਹਾ ਖੁਲ੍ਹਿਆ

ਗੁਰਮੀਤ ਸੰਧੂ

ਕਰਜ਼ੇ ਵਾਲ਼ੇ ਘਰ ਦੀ

ਨਿੱਘ ਚਾੜ੍ਹਦੀ ਠਾਰਾ

ਕੰਮ ਤੋਂ ਥੱਕੇ ਬੰਦੇ ਨੂੰ

ਦਰਬਾਰਾ ਸਿੰਘ

ਪੱਗ ਲੈਣ ਗਿਆ ਬਜਾਰ

ਬਜਾਜੀ ਵਾਲ਼ੇ ਵੇਚਤੀ

ਪਟਿਆਲਾ ਸਲਵਾਰ

ਗੁਰਿੰਦਰਜੀਤ ਸਿੰਘ

ਵਿਦਵਾਨ

ਕਰੇ ਵਿਖਿਆਨ

ਸੰਗਤ ਸਮਝ ਨਾ ਪਾਵੇ

ਜੌਨ ਬਰੈਂਡੀ

ਕਰਨਾ ਸਮੁੰਦਰ ਪਾਰ…

ਨਦੀ ਉੱਤੇ ਚਿਣ ਰਿਹਾ

ਪੱਥਰਾਂ ਦੀ ਪਗਡੰਡੀ

ਅਮਰਜੀਤ ਸਾਥੀ

ਨਿੱਕੀ ਗੁੱਡੀ ਆਕੇ ਪੁੱਛੇ

ਡੈਡੀ ਜੀ ਜੇ ਠੰਡ ਲੱਗਦੀ

ਚਾਹ ਬਣਾਕੇ ਲਿਆਵਾਂ

ਬਲਜੀਤਪਾਲ ਸਿੰਘ

ਪ੍ਰਤਿਗਿਆ ਕਰ ਰਹੀ

ਦੁਲਹਨ ਦੀ ਡੀਲ-ਡੌਲ

ਉਸ ਦੇ ਗਾਊਨ ‘ਚੋਂ

ਜੌਨ ਬਰੈਂਡੀ

ਮੀਂਹ ਦੀ ਲੱਗੀ ਝੜੀ

ਫੋਨ ‘ਤੇ ਦੂਰੋਂ ਆਵਾਜ਼

ਓਥੇ ਧੁੱਪ ਚੜ੍ਹੀ

ਸੁਰਜੀਤ ਕਲਸੀ