ਕੋਹਾਂ ਦਾ ਨਹੀਂ ਮੀਲਾਂ ਦਾ ਨਹੀਂ ਉਮਰਾਂ ਦਾ ਹੈ ਇਹ ਫਾਸਲਾ,
ਆਖਿਰ ਇਸ ਨੂੰ ਜੋ ਮੇਟ ਸਕਾਂ ਮੇਰੇ ਕੋਲ ਹੀ ਓਹ ਅਲਫਾਜ਼ ਨਹੀਂ,

ਖ਼ਾਬਾਂ ਤੇ ਫ਼ਰਜ਼ਾਂ ਦੇ ਪੁੜਾਂ ਵਿੱਚ ਪਿਸਦਿਆਂ, ਤਿੜਕੇ ਘੜੇ ਦੇ ਨੀਰ ਵਾਂਗੂੰ ਰਿਸਦਿਆਂ............

ਹਰ ਹਾਲ ਤੈਨੂੰ ਜੀਣ ਦੀ ਕੋਸ਼ਿਸ਼ ਹੈ ਕੀਤੀ ਜ਼ਿੰਦਗੀ.....

ਬੱਸ ਦੇ ਕੰਡਕਟਰ ਵਾਂਗ ਹੋ ਗਈ ਹੈ ਜ਼ਿੰਦਗੀ,
ਸਫ਼ਰ ਵੀ ਨਿੱਤ ਦਾ ਪਰ ਜਾਣਾ ਵੀ ਕਿਤੇ ਨਹੀਂ...

ਸਾਡੇ ਹਾਸੇ ਤੇ ਗਿਲਾ ਯਾਰ ਕਰਦੇ,
ਕਹਿੰਦੇ ਤੇਰੇ ਦਿਲ 'ਚ ਦਿਸਦਾ ਨਾ ਦੁੱਖ ਕੋਈ,
ਕਹਿੰਦੇ ਤੂੰ ਕੀ ਜਾਣੇਂ ਪਾਕ ਮੁਹੱਬਤਾਂ ਨੂੰ
ਤੇਰੀ ਅੱਖ ਨਾ ਕਦੀ ਕਿਸੇ ਲਈ ਰੋਈ,
ਮੈਂ ਕਿਹਾ ਤੁਹਾਨੂੰ ਕੀ ਪਤਾ
ਇਸ ਹਾਸੇ ਪਿੱਛੇ ਅਸੀਂ ਕਿੰਨੇ ਗ਼ਮ ਛੁਪਾਈ ਬੈਠੇ ਹਾਂ,
ਇੱਕ ਹੰਝੂ ਦਾ ਤੁਸੀਂ ਗ਼ਿਲਾ ਕਰਦੇ,
ਕਿਸੇ ਲਈ ਰੋ ਰੋ ਕੇ ਅਸੀਂ ਹੰਝੂ ਹੀ ਮੁਕਾਈ ਬੈਠੇ ਹਾਂ।

ਤੁਸੀਂ ਨੀਵੀਂ ਪਾ ਕੇ ਨਾ ਤੱਕਿਆ ਕਰੋ,
ਤੁਹਾਨੂੰ ਪਤਾ ਨਹੀਂ ਇਸ ਤੱਕਣੀ ਦਾ ਕਮਾਲ ਕੀ ਏ,
ਪਹਿਲਾਂ ਨਜ਼ਰ ਨਾਲ ਜ਼ਖ਼ਮੀ ਕਰਦੇ ਹੋ,
ਫਿਰ ਪੁੱਛਦੇ ਓ ਸੋਹਣਿਓ ਹਾਲ ਕੀ ਏ।

ਕਦੇ ਵਿਹਲ ਮਿਲੇ ਤਾਂ ਮਿਲ ਜਾਵੀਂ,
ਤੇਰਾ ਦੀਦਾਰ ਪਾਉਣ ਨੂੰ ਜੀਅ ਕਰਦਾ,
ਤੇਰੇ ਕੋਲ਼ ਬਹਿਣ ਕੇ ਯਾਰਾ,
ਦਿਲ ਭਰ ਕੇ ਰੋਣ ਨੂੰ ਜੀਅ ਕਰਦਾ,
ਜੇ ਮਿਲ ਜਾਵੇਂ ਤਾਂ ਬਚਜਾਂਗੇ,
ਅਜੇ ਹੋਰ ਜੀਣ ਨੂੰ  ਜੀਅ ਕਰਦਾ।

ਤੇਰੇ ਗਮ ਨੇ ਮੈਨੂੰ ਕਲਮ ਫੜਾਈ,
ਮਜ਼ਬੂਰ ਕੀਤਾ ਕੁਝ ਲਿਖਣ ਲਈ,
ਕਦੀ ਤੇਰਾ ਦੀਦਾਰ ਸੀ ਸਾਨੂੰ ਰੱਬ ਵਰਗਾ
ਨਾ ਜਾਂਦੇ ਸੀ ਮੱਥਾ ਟੇਕਣ ਲਈ,
ਜੇ ਦਿਲ 'ਚ ਕੁਝ ਰਹਿਮ ਬਾਕੀ ਹੋਵੇ
ਤਾਂ ਆ ਜਾਵੀਂ ਸਿਵੇ ਦੀ ਅੱਗ ਸੇਕਣ ਲਈ,
ਪਰ ਚੁੱਕੀਂ ਨਾ ਮੁੱਖ ਤੋਂ ਕਫ਼ਨ
ਕਿਤੇ ਉੱਠ ਹੀ ਨਾ ਜਾਵਾਂ ਤੈਨੂੰ ਵੇਖਣ ਲਈ।

ਬਾਜ਼ੀ ਜਿੱਤ ਕੇ ਅਸੀਂ ਹਾਂ ਹਾਰ ਚੱਲੇ
ਸੱਟ ਆਪਣੇ ਦਿਲ਼ ਤੇ ਮਾਰ ਚੱਲੇ,
ਨਹੀਂ ਭੁੱਲਣੇ ਸੱਜਣਾਂ ਉਹ ਦਿਨ ਸਾਨੂੰ
ਜੋ ਤੇਰੇ ਸੰਗ ਹਾਂ ਗੁਜ਼ਾਰ ਚੱਲੇ,
ਮਰਕੇ ਵੀ ਕਰਾਂਗੇ ਯਾਦ ਤੈਨੂੰ
ਐਸਾ ਦਿਲ 'ਚ ਸਮਾ ਕੇ ਪਿਆਰ ਚੱਲੇ,
ਜੇ ਕੋਈ ਭੁੱਲ ਹੋਵੇ ਤਾਂ ਬਖ਼ਸ਼ ਦੇਵੀਂ
ਕਰ ਸਲਾਮ ਅਸੀਂ ਜਾਂਦੀ ਵਾਰ ਚੱਲੇ,
ਮੁਲਾਕਾਤ ਮੁੱਕੀ ਤੇ ਵਿਛੋੜਾ ਸ਼ੁਰੂ ਹੋਇਆ,
ਉੱਠ ਮਹਿਫ਼ਲਾਂ 'ਚੋਂ ਹੁਣ ਯਾਰ ਚੱਲੇ।

ਤੁਸੀਂ ਸੋਹਣੇ ਤੁਹਾਡੇ ਨੈਣ ਸੋਹਣੇ,
ਸੋਹਣੇ ਨੈਣਾਂ ਨੂੰ ਐਵੇਂ ਮਟਕਾਇਆ ਨਾ ਕਰੋ,
ਫੇਰ ਕੀ ਹੋਇਆ ਜੇ ਅਸੀਂ ਤੁਹਾਡੇ ਤੋਂ ਵੀ ਸੋਹਣੇ
ਸਾਨੂੰ ਵੇਖ ਕੇ ਨੀਵੀਆਂ ਪਾਇਆ ਨਾ ਕਰੋ।

Thanks jassi...  n nice sheyars..!!